◄ මුහුදු කොල්ලකරුවෝ ►

මුහුදු කොල්ලකරුවෝ කියපු ගමන්ම මුලින්ම මතක් වෙන පුද්ගලයෙක් ඉන්නවා. ඇත්තටම කවුද? කැප්ටන් ජැක් ස්පැරෝව නේද? ඔව්. පයිරෙට්ස් ඔෆ් දි කැරබියන් (Pirates of the Caribbean) කියන ජනප්‍රිය චිත්‍රපටියේ ප්‍රධාන චරිතය. එත් අද කියන්න යන්නේ පයිරෙට්ස් ඔෆ් දි සෝමාලියන්(Somali Pirates). ඔවුනුත් අර තරමට ලොව පුරා ජනප්‍රිය පිරිසක්. ඒ කප්පම් ලබා ගැනීම් වලට තමා.

මේ ගැන තොරතුරු හොයලා බලන්න තවත් හේතුවක් වුනේ පසුගිය වසරේ 2011 ශ්‍රී ලංකාවේ මීගමුවෙන් මුහුදු රැකියාවේ ගිය බහු දින ට්‍රෝලර් යාත්‍රාවක් හා එකේ ගිය ශ්‍රී ලංකා ධීවරයන් පිරිසක් පැහැර ගෙන කෝටි 68 ක් වු කප්පම් මුදලක් ඔවුන් වෙනුවෙන් මේ සෝමාලියානු මුහුදු කොල්ලකරුවන් ඉල්ලා සිටීමයි. ඔබත් බොහෝ විට විවිධ මාධ්‍ය ඔස්සේ මේ ගැන අහන්න දකින්න ඇති.

''මීට කලින් සෝමාලියානු මුහුදු කොල්ලකරුවන්ගේ අත්අඩංගුවට පත් වූන ශ්‍රී ලාංකික නැව් කපිතාන්වරයෙක් ද නිදහස වී නැවතත් මෙරටට පැමිණීමට තරම් වාසනාවන්ත වූයේය. එදා වේල උපයා ගෙන දිවි ගෙවන අසරණ මේ ධීවරයන් හයදෙනාටත් ඒ වාසනාවම උදා වේවා කියලා අපි හැමෝම එක සිතින් ප්‍රාර්ථනය කරමු.''

වසරකට ආසන්න වශයෙන් 22,000ක් වත් නැව් යන එන ඒඩ්න් බොක්ක හරහා ඉන්දියානු සාගරය, රතු මුහුද, අරාබි මුහුද, මධ්‍යධරණීය මුහුද හා සුවස් ඇළ මාර්ගයට කේන්ද්‍ර වන ස්ථානයක් වන මේ ඒඩ්න් බොක්ක ප්‍රදේශයේ සිට දැනට අවුරුදු 20 කට ආසන්න කාලයක සිට මෙම කොල්ලකෑම් කප්පම් ගැනීම් සිදුකර ගෙන යයි. ඔවුන් මුලින්ම මෙලෙස කල්ලි ගැසී ඇත්තේ අනවසරයෙන් තමන්ගේ මුහුදු සීමාවේ මත්ස්‍යය සම්පත ගෙන යන නැව් හා බෝට්ටුත්, ඒවායින් තම මුහුදු සීමාවට එකතු කරන අපද්‍රව්‍ය දැමීම වැලැක්වීමටත් එරෙහිවයි. පසුව එය ඉතා ලාභදායි ව්‍යාපාරයක් ලෙස දැනීමත් සමඟ සෝමාලියානු වෙරල ප්‍රදේශයේ ජීවත් වන 70% ක පිරිසක් මේ වන විට මෙම කල්ලි වලට එකතුව සිටී. 1990 ආරම්භ වුන ලෙස සැලකෙන මෙම කල්ලි ප්‍රධාන වශයෙන් 5ක් තියෙනවලු. සාමාන්‍යයෙන් අවු. 25-35 පුද්ගලයින් ඉන්න මෙම කල්ලිවල පිරිස 1000-1500 ක් විතර වෙනවා කියලයි කියන්නේ.

1990 ඉදලා සෝමාලියාවේ හරියාකාරව නොතිබුනු දේශපාලන තත්වයත් දැනටත් රට කොටස් වලට බෙදී තිබීමත් රටේ ආරක්ෂාව සඳහා සිටින හමුදා නිලධාරීනුත් මේ කල්ලිවලට සහයෝගය හා සමාජිකයන් වි සිටිමත් හින්දා මෙය මර්ධනයට ඒ රටටම අපහසු වෙලා. පසුගිය වසර වල ඔවුන් නැව් හා යාත්‍රා සඳහා එල්ල කල ප්‍රහාරයන්, පැහැර ගැනීම කාලයත් සමඟම විශාල වශයෙන් වැඩිවෙලා.

දන්නවාද???
2007 දි නැව් 50 ක්, 2008 දී නැව් 111ක්, 2009 දි ඔවුන් නැව් 217 කට පහර දීලා නැව් 47ක්ම පැහැර ගෙන ගිහිල්ලා. ඒ නැව් නැවත ලබා ගන්න නැව් අයිති ආයතන ඩොලර් මිලියන 60කට වඩා ගෙවලා. 2010 දි නැව් 219 කට ප්‍රහාර එල්ල කරමින් 49ක්ම පැහැර ගෙන ගිහිල්ලා. වාර්තා වෙන අන්දමට 2011 මුල් මාස කිහිපයේ විතරක් නැව් 90 කට පහර දීලා 15 ක්ම පැහැර ගෙන ගිහින්. මේ පහර දීම්, පැහැර ගැනීම් වලට අමතරව ඒවායේ ගමන් කරන පුද්ගලයින් ප්‍රාණ ඇපයට තබා ගෙන ඒ සඳහා කප්පම් ඉල්ලීමත් තවත් එක් මුදල් හොයන ක්‍රමයක්.

2010 වසරේදී මෙවැනි ප්‍රාණ ඇපයට තබාගත් 1090 ක් දෙනා සිට ඇති බව සඳහන් වෙනවා. ඒ නැව් වගේම සාමාන්‍ය යාත්‍රා කොල්ලකෑමෙන්. 2010 දී මෙවැනි යාත්‍රා 4185 කට පහර දී ඇත. ලොව පුරා නැව් සමාගම්, රටවල් මෙය නැවැත්වීමට උත්සහ ගත්තත් එයට තවත් අපහසුතාවයක් වෙලා තියෙන්නේ ඔවුන් සතුව තියෙන නවීන අවි ආයුධ.

යේමනය වගේම ඔවුන්ගේ අගනුවර වන මොගඩිෂු වලින් ලබා ගන්නා කප්පම් මුදලින් කොටසක් වැයකර අලුත්ම අවි ආයුධ ගන්නා අතරම, කැනඩාවේ වාසය කරන ලක්ෂ 2ක් පමණ වන සෝමාලියානු ජාතික පිරිසද මේ අවි ආයුධ, උපකරණ ලබා දීමට උදව් කරනවලු. මේ කොල්ලකරුවන් ළඟ AK 47, AKM, RPG රොකට් ලෝන්චර්, අත් බෝම්බ විදින, රාත්‍රී දුරදක්න ආදියද, දියුනු සන්නිවේදන උපකරණත් තියෙනවා.

කප්පම් මුදල් ලබා ගැනීමට ඔවුන් එක් එක් ක්‍රම භාවිතා කරන අතර ඉන් එක් ක්‍රමයක් වන්නේ වතුර උඩ පාවෙන ලෙසත්, වතුර කාන්දු නොවන විදිහටත් සැකසු මලු වල මුදල් අසුරා ඒවා තම මුහුදු සීමාවට හෙලිකොප්ටර් යානයක් මගින් දමා යැමට නියෝග කිරීමයි. සාමාන්‍ය ධීවරයන් හා එකතුව ඒ මැදින් ඔවුන් මේ මුදල් රැගෙන යාම සිදුකරයි. මේවා හොර මුදල්ද, මුදල් ප්‍රමාණය නිවැරදිද බලන්නත් නවීන මුදල් ගනින යන්ත්‍රත් භාවිත කරන බව පැවසෙනවා.

විවිධ රටවලින් පැමිණි හමුදා සෙබලුන් 3-4 දෙනා බැගින් වු පිරිසක් මෙම මුහුදු සීමාව හරහා ගමන් කරන නැව් වලට ආරක්ෂාව සඳහා ලබා දීම දැන් අලුත්ම ක්‍රමයයි. එම නැව් ගාලු මුහුදු සීමාව ආසන්නයේදී නවත්වාගෙන සිටිද්දී නවීන ආවි ආයුධ සමඟ වු මෙම පිරිස් බොහෝ විටම ගාල්ල වරායේ වු බොට්ටු වලින් ගෙන ගොස් ඒ නැව් වලට නංවනු ලබයි. එම රාජකාරි ඉටුකරන ගාල්ල වරායේ ''දෙව්නුවර එක්ප්‍රස් නැමැති ටැග් බෝට්ටුව''. ඔවුන්ගේ රාජකාරිය කොල්ලකරුවන් සිටින ප්‍රදේශ වලදී නැව් වලට ආරක්ෂාව සපයා ඊට පසු වරායකින් බැස නැවතත් ශ්‍රී ලංකාවට පැමිණීමයි. දින කිහිපයක රාජකාරියක් වෙන මේ සඳහා ඉහල වැටුප් ගෙවන බව පැවසෙනවා.

ප්‍රාණ ඇපකරුවන් බේර ගන්න කරන්නා වු සමහර හමුදා මෙහෙයුම් වලින් මුහුදු කොල්ල කරුවන් යැයි සැක පිට පුද්ගලයින් අත්අඩංගුවට ගත්තත් සාක්ෂි නොමැති නිසා මේ අය බොහෝ විටම නිදහස් වෙනවා. මේ කොහෝම වුනත් තාමත් අද වෙන විටත් මේ වැඩේ හොදට නැගලම යනවා. අද මුළු ලෝකයටම හිසරදයක් වගේම තර්ජනයක් ද වී ඇති සෝමාලියානු මුහුදු කොල්ලකරුවන්ගේ මේ සිද්ධියට හැම රටක්ම වගේ භය වෙලා. මුහුදු කොල්ලකරුවකු වෙන එකෙත් පොඩි ගතියක් තියෙනවා වගේ නේද?

මේ විස්තරය පින්තූරත් එක්කම බලන්න මෙතනින් → 
http://chamikawp.blogspot.com/

◄ උත්සාහය කුමක් සඳහාද? ►

මුහුදු වෙරළේ ඇවිදමින් සිටි වයස්ගත පුද්ගලයෙකුට ඈත සිටම දැකගත හැකි වූයේ පුංචි කොලු ගැටෙයෙකු මුහුදු වෙරළේ ගොඩ ගසා ඇති දහස් ගණනක් වූ තාරාකා මත්ස්‍යයින් එකිනෙක ගෙන මුහුදට එකතු කරන අයුරුයි. වහා ඔහු අසලට ලඟා වූ වයස්ගත පුද්ගලයා මෙසේ විමසන්නට වුණා.

''පුතා, ඔයා මොකද්ද ඔය කරන්නේ?''

''මේ මගේ අතේ ඉන්න තාරකා මත්ස්‍යයා පේනවා නේද? තව ටික වෙලාවකින් අව් රස්නේ වැඩි වුනාම එයා මැරිලා යාවි. ඒ නිසා මම ඉක්මනින් එයාලව මුහුදට දානවා.''

''ඒත් දරුවෝ, මේ මුහුදු වෙරළ තව කොච්චර නම් දුරට විහිදෙනවද. ඒකේ කොච්චර නම් මේ වගේ තාරකා මත්ස්‍යයෝ ඉන්නවද... ඉතිං ඔයා කොහොමද මේ වගේ පුංචි උත්සාහයකින් වෙනසක් කරන්නේ?''

අහිංසක මදහසකින් යුතුව පුංචි කොලු ගැටයා මෙසේ පැවසුවා...

''මේ මගේ අතේ ඉන්න සතාගේ ජීවිතේට නම් වෙනසක් වෙනවා කියලා මම දන්නවා.''

යාලුවනේ, අපි කරන හොඳ දෙයකින් මුළු ලෝකයක් වෙනස් කරන්න නොහැකි වුනත් එක් අයෙකුගේ හෝ ජීවිතයකට යහපතක් වෙනවා නම් ඒ දේ කරන්න මැළි වෙන්න එපා.

◄ මිනී මැරුමක් ►

හෝම්ස් උදෑසන ව්‍යායාම සඳහා එදිනද නිවසින් පිටවූයේ අධික සීතල සඳහා ඇඟ උණුසුම් කර ගැනීම උචිත යයි හැඟුණු බැවිණි. ඔහු නඟර පාලම මතින් දුවමින් සිටියදී දුටුවේ ගං ඉවුරේ වටවී සිටින මිනිසුන් සමූහයකි. වහා එතැනට දිවගිය ඔහුට දක්නට ලැබුණේ වතුරේ පාවෙන කාන්තා මළ සිරුරකි. තවත් කිහිප දෙනෙකුගේ උදව්ද සහිතව මිනිය ගොඩට ගත් ඔහු ගං ඉවුරේ තිබූ ඇයගේ අත් බෑගය රැගෙන සෝදිසි කරන්නට විය. ඇයගේ හැඳුනුම්පත සහ ඇයගේ ජංගම දුරකතනය ඔහුට හමුවිය. හැඳුනුම්පතට අනුව ඇයගේ නම රෙබෙකා නම් විය. ජංගම දුරකතනයේ අංක පිරිස්සූ ඔහු වහාම ඇයගේ නිවහනට දුරකතන ඇමතුමක් ලබාදුනි.

''හෙලෝ, මේ රෙබෙකාගේ ගෙදරින් ද කතා කරන්නේ?''

''ඔව්, මම එයාගේ husband කතා කරන්නේ. ඇයි මොනවද දැනගන්න ඕන?''

''සර්, මට කණගාටුයි ඔබට දැනුම් දෙන්න. ඔබේ බිරිඳ මිය ගිහින්...''

''මොනවා ! අනේ දෙයියනේ, ඒ කොහොමද එහෙම වුනේ...''

''සර්, ඔබ හැකි ඉක්මනින් මෙතනට ආවොත් හොඳයි නේද...''

මිනිත්තු 10ට පමණ පසු වාහනයක් අසල නවතා ඉන් රෙබෙකාගේ ස්වාමි පුරුෂයා බැස ආ අතර ඔහු තම බිරිඳ අසලට පැමිණ හඬන්නට විය. වහාම ඔහු වෙත ගිය හෝම්ස් ඔහුව අත් අඩංගුවට ගනු ලැබිණි.... ඇයි ඒ???

↓
↓
↓
↓
↓
↓
↓
↓
↓

හැඳුනුම්පතේ ලිපිනයට අනුව රෙබෙකා ගේ නිවස පිහිටා තිබුණේ මිනිත්තු 10ක දුරින් වූ අතර දුරකතන සංවාදයේදී හෝම්ස් රෙබෙකා ගේ මරණය සිදුවී ඇති ස්ථානය ගැන කිසිම සඳහනක් සිදු නොකරන ලදී.

◄ සදාකාලික වූ ආදරය ►

උදේ පාන්දරම රෝහලක නර්ස් නෝනා කෙනෙක් වගේම මුළු රෝහලම බොහෝම කාර්යබහුලව කලබලයෙන් වැඩ. උදෑසන 8.30 පමණ වෙනකොට අවුරුදු 80ක පෙනුම තියෙන මහත්මයෙක් මේ රෝහලට ආවා. ඔහු ආවේ ඔහුගේ මහපටඟිල්ලේ තිබුනු තුවාලයකට නැවතත් බෙහෙත් කරගන්න. අහම්බයෙන් වුනත් මේ නර්ස් නෝනා මේ මහත්තයාව දුටුවේ ඔහු නිතරම කලබලයෙන් තමන්ගේ අතේ තියෙන ඔරලෝසුව බලන නිසාමයි.

''ඔහුට නම් හොදටම කලබල පාටයි. තව මොකක් හරි වැඩක් දාගෙන. හදිසි නම් මොකටද දැන්ම ආවේ. මේ ලෙඩ්ඩු ටිකට සාත්තු කරලා තමා ඔහුව බලන්න වෙන්නේ.'' ඇය හිතුවා.

නැවත නැවතත් ඔහු දිහා බැලුව නර්ස් නෝනාට හැම වතාවෙම දකින්න වුනේ අපහසුවෙන් තම ඔරලෝසුවේ වෙලාව බලන මේ වයසක මහත්තයම තමා.

''මේ මනුස්සයට මොනවා වෙලාද. ඔරලෝසුවමයි බලන්නේ''

පැයක් ගත වෙද්දී වෛද්‍යවරයෙක් එක්කම ඔහුගේ තුවාලය ගැන හොයා බලන්න ඇයට පුළුවන් වුනා. තුවාලයට බෙහෙත් කරන ගමන් මේ නර්ස් නෝනා ටිකක් තරහෙන් වගේ මෙහෙම ඇහුවා.

''මොකද ඔබ තුමා නිතරම වේලාව බලන්නේ. වෙන මොකක් හරි වැඩක් දාගෙනද?''

''ඔව් නෝනා. මම අද මගේ බිරිඳත් එක්කම සාත්තු නිවාසයේ හිඳ උදේ ආහාර ගන්නයි හිටියේ.'' ඔහු ශාන්තව කිව්වා.

''ඇයි, ඇයට මොකක් වෙලාද?''

''ආ, ඇය ටික කාලයක ඉදලා එහි නැවතිලා ඉන්නේ. ඇයගේ මොළයට හානි ගෙන දෙන රෝගයක් හැදිලා. (Alzheimer Disease)''

කතාව අතරම බෙහෙත් දාලත් ඉවර වුනා.

''ආනේ. දැන් ඉතින් 9.30ත් පහු වෙලා. ඇයට දුක හිතේවි ඔබ උදේ ආහාර ගන්න ආවේ නැති එකට'' නර්ස් නෝනා ටිකක් විහිලුවෙන් වගේ කිව්වා.

''නැහැ එහෙම වෙන්නේ නෑ. ඇය දන්නේ නෑ මම කවුද කියලා. ඇය අවුරුදු 5ක් තිස්සේ එහෙමයි. ඇයට සියල්ල අමතක වෙලා.'' ඔහු කිව්වා.

''මොනවා ! ඇයට සියල්ල අමතක වෙලා? ඔබව අදුන නොගෙනත් ඔබ අවුරුදු 5ක් පුරාවටම ඇයත් එක්ක උදේ කෑම ගත්තද? තාමත් ඇයව බලන්න යනවද? ඒක නම් හරිම පිස්සු වැඩක් කියලයි මට නම් හිතෙන්නේ.'' නර්ස් නෝනා පුදුමයෙන් කිව්වා.

ඔහු නර්ස් නෝනාගේ අතට පොඩි තට්ටුවක් දැම්මා...

''ඇයට නම් මාව දැන් මතක නෑ තමයි, ඒ වුනත් මට තාමත් ඇයව මතකයි. ඇය මගේ බිරිඳ, මගේ ආදරිය.''

ඔහු යන්නට ගියා. නර්ස් නෝනාගේ ඇස් වල කදුලු. ඇය සෙමින් තමාටම මිමිණුවා...

''අනේ, හැම කෙනෙකුගේම ජිවිතයට ඕන මේ වගේ ආදරයක් නේද...''

සැබෑ ආදරය තුල ''දැන්, හෙට, අනිද්දා'' කියා වෙනසක් නැත. මොකද එය සදහටම එකම විදිහක් නිසා. ඔබටත් නොවෙනස් සදාකාලික වන ආදරයක් ලැබී තිබෙනවද? එසේනම් ඔබ වාසනාවන්තයි, ඒ ආදරය හැමදාම අගය කරන්න. රැක ගන්න. එයයි සෑබෑ ආදරය.

''දැනුම සොයා සැරිසරන්න - එකතු වන්න'' - http://chamikawp.blogspot.com/

◄සුබ ආරංචියක් ►

දක්‍ෂ ගොල්ෆ් ක්‍රීඩකයෙකු වුනු රොබට් වින්සෙන්සෝ තරඟාවලියකින් පහසුවෙන්ම ජයගත්තා. ක්‍රීඩා ලෝලින්ගේ උණුසුම් සුබ පැතුම් අතරේ ඔහු තෑගී මුදල ලෙස ලබා දුන් චෙක් පතත් ලබාගත්තා.

ටික වේලාවක් ක්‍රීඩා ගාරයේ වූ තම මිතුරන් සමඟ සතුටු සාමීචියේ යෙදිලා තමන්ගේ වාහනය වෙත ගියා. ඔහු එනතුරු වාහනය ලඟ බලා සිටි තරුණ කාන්තාවක් ජයග්‍රහණය ගැන සුබ පැතුම් එකතු කරලා ඇය ඉතාම දුකින් වින්සෙන්සෝට දුක් ගැනවිල්ලක් කියන්න පටන් ගත්තා...

''මහත්මයා, මගේ දරුවා ලෙඩ වෙලා. දොස්තරල නම් කියන්නේ ඔහු මැරෙන්නත් පුළුවන් කියලා. හැකි ඉක්මනින් ශල්‍ය කර්මයක් සිදු නොකෙරුවොත් මට මගේ එකම පුතා නැති වෙනවා. ඒත් මට රෝහලට මුදල් ගෙවාගන්නත් බැහැ. අනේ මම ගොඩාක් අසරණවෙලා. ඔබට පිං අයිති වෙයි, මට පුළුවන් විදිහකට උපකාර කරන්න.'' ඇය වින්සෙන්සෝට කිව්වා.

''කොච්චර දුක්බර ආරංචියක්ද? ඔයා බය වෙන්න එපා අම්මේ, මේ චෙක්පත මුදල් කරගන්න. දරුවගේ රෝහල් ගාස්තු ගෙවලා ඔහුව බේරගෙන සතුටින් ඉන්න.''

ඒ දරුවා ගැන දුක්වුන ඔහු තමන් කල දේ ගැන ගොඩාක් සතුටු වුනා. ඇය චෙක් පතත් රැගෙන ඉක්මනින් එතනින් පිටව ගියා. සතියකට පස්සේ රොබට් වින්සෙන්සෝ මුණ ගැහෙන්න ඔහුගේ මිතුරෙක් පැමිණියා...

''අයියෝ වින්සෙන්සෝ ඔයා අර චෙක්පත කාට හරි දුන්නද?''

ඔහු හිස සැලුවා...

''අනේ දෙයියනේ, ඇයි ඒ වංචාකරියට ඒ චෙක්පත දුන්නේ?''

''වංචාකාරියක් ???''

''ඔව්, ඇයට අසනීප වුනු දරුවෙක් නැහැ. ඇය ඔබට බොරු කියලා.''

''ඇත්තටම ඇයට ලෙඩ වුනු දරුවෙක් නැද්ද? වින්සෙන්සෝ ආපහු ඇහුවා...''

''නෑ ! ! ! ඒ බොරු... තමන් සතු දේ අනුන්ට දීමත්, අනුන්ට උදවු කිරීමත් හොද ගුණාංගයක්. ඒත් ඒ උදවුව ලබන්නා එක වංචාවක් විදිහට ගත්තොත්.''

''අනේ ඒක කොච්චර හොද ආරංචියක්ද... ඒ කියන්නේ ඇයට අසනීප වුනු දරුවෙකුත් නෑ, ඇය දුකිනුත් නෑ...'' ඔහු බොහෝම සතුටින් පිළිතුරු දුන්නා.

වින්සෙන්සෝ තමා කල දේ ගැනත්, ඇයට දුකක් නැති වීම ගැනත් හිතලා බොහෝම සතුටු වුනා. නමුත් බොහෝ දෙනා තමන් දුන් දේ ගැන නොහිතා, යමෙක් කල වංචාව ගැන හිතලම ගොඩාක් දුක්වෙනවා. සතුටින් යමක් කෙනෙකුට දුන්නොත් ඊට පසුව ඒ ගැන සොයා බලන්න එපා. ඒ දෙන දේ ගැන ඔබේ හිතේ තියෙන බැඳීම සම්පූර්ණයෙන්ම ඉවත් කරලා ඒ දේ කෙනෙකුට දුන්නොත් පමණයි එය දානයක් වෙන්නේ.

''දැනුම සොයා සැරිසරන්න - එකතු වන්න'' - http://chamikawp.blogspot.com/

◄ ඔබට ඇත්තේ කැමැත්තක්ද? ආදරයක්ද? ►

ඔබ කැමති කෙනා ලඟදී ඔබට සතුටු හිතෙනවා.
ඒත් ඔබ ආදරේ කරන කෙනා ලඟදී ඔබගේ හදවත වේගයෙන් ගැහෙනවා...

ඔබ කැමති කෙනා ලඟදී ශීත ඍතුව ලස්සන ශීත ඍතුවක්මයි.
ඒත් ඔබ ආදරේ කරන කෙනා ලඟදී ශීත ඍතුවත් ඔබට වසන්තයක්...

ඔබ කැමති කෙනා ලඟදී ඔබට ඕනම දෙයක් කියන්න පුළුවන්.
ඒත් ඔබ ආදරේ කරන කෙනා ලඟදී ඔබේ හිතේ තියෙන දේවල් කියාගන්න බැරුව ඔබ ගොළුවෙනවා...

ඔබ කැමති කෙනාගේ ඇස් දිහා බැලුවම ඔබගේ මුවඟට සිනහවක් නැඟෙනවා.
ඒත් ඔබ ආදරේ කරන කෙනාගේ ඇස් දිහා ඔබට එක් වරම බලන්න අපහසුයි. අහිංසක ලැජ්ජාවක් හිතට එනවා...

ඔබ කැමති කෙනා අඬද්දී ඔබ ඒ කෙනාව සනසනවා.
ඔබ ආදරේ කරන කෙනා අඬද්දී ඔබ ඒ කෙනා සමඟම අඬනවා...

ඔබ කැමති කෙනාව ඔබට අමතක කරන්න ඕන නම් ඔබට කරන්න තියෙන්නේ සවන් පත් වහගන්න එක විතරයි.
ඒත් ඔබ ආදරේ කරන කෙනාව ඔබ අමතක කරන්න හැදුවොත් ඔබේ ඇස් වලට කඳුලක් ඇවිත් ඒ කඳුල ජීවිතය පුරාවටම හදවතේ රැඳේවී...

◄ වෙනසක් කරන්න වෙනස්ව හිතමුද??? ►

ඈත අතීතයේ ඉන්දියාවේ ජීවත් වෙච්ච වෙළෙන්දෙකුට තමන්ගේ වැරද්දක් හින්දා සිරගත වෙන්න වෙලා තිබුනා. වැරැද්ද මොකක්ද දන්නවද? ණයට ගත්ත ලොකු මුදලක් ආපහු දෙන්න බැරි වෙච්ච එක. ඒත් වයසක, කුදු ගැහුනු, නපුරු පෙනුමක් තිබුනු මුදල් ණයට දුන් පුද්ගලයා මේ ගනුදෙණුව අවසන් කරන්න පුළුවන් විදිහේ දේවල් ගැන වෙළෙන්දා එක්ක කතා කලා.

අවසානයේ, අවස්ථාවෙන් ප්‍රයෝජනය ගන්නත් එක්කම ඔහු අමුතුම යෝජනාවක් කළා. ඒ තමයි ගනුදෙණුව වෙනුවෙන් වෙළෙන්දාගේ දුවව තමන්ට විවහා කරලා දෙන්න කියලා. ඒ ගැන සහනයක් වශයෙන් ඔහු තව යෝජනාවක් කලා. එනම්, ඔහු විසින් හිස් මුදල් බෑගයකට දමන සුදු හරි කලු පාට හරි පුංචි මාබල් ගල් වර්ග දෙකෙන් එකක් මේ ගැහැණු ළමයා තෝරගන්න විදිහ අනුව ඇය තමා සමඟ විවාහ වෙනවද, පියා සිරගෙට යනවද, නැත්නම් විවාහය හෝ සිරගෙට යාම සිදුවන්නේ නැද්ද කියලා තීරණය වෙනවා. වාසනාව අනුව ඒක දෙපැත්තටම බලපාන එකක් බවත් කියලා ඔහු හයියෙන් හිනා වුනා.

ගැහැණු ළමයාගේ වාසනාවට අනුව ඇය සුදු පාට මාබල් ගල තෝර ගත්තොත්...

''ඇයට වෙළෙන්දා එක්ක විවාහා වෙන්න ඕන වෙන්නෙත් නැහැ, පියාට ණය වෙනුවෙන් සිරගෙට යන්න වෙන්නෙත් නැහැ.''

ඒත් ඇය කලු මාබල් ගල තෝරා ගත්තොත්...

''ඇයට වෙළෙන්දා එක්ක විවහා වෙන්න වෙනවා. හැබැයි පියාට ණය වෙනුවෙන් සිරගෙට යන්න වෙන්නේ නැහැ.''

ඇය එක ගලක් වත් තෝර නොගෙන හිටියොත්...

''පියාට ණය වෙනුවෙන් සිරගෙට යන්න වෙනවා.''

කොහොම වුනත් මේ යෝජනාවට දුවත්, පියත් දෙන්නාම ගොඩාක් දුක් වුනා. එත් ඇයටත් පියාටත් ඊට එකඟ වෙනවා ඇරෙන්න වෙන විදිහක් නෑ මොකද ඇය එක ගලක් වත් තෝර නොගෙන හිටියොත් පියාට ණය වෙනුවෙන් සිරගෙට යන්නම වෙනවා. ඒ හින්දා මේ යෝජනාවට ඔවුන් එකඟ වුනා.

දුකින් බලාපොරොත්තු අතහැරලා ඉන්න කොට මාබල් ගල් ඇතිරු වෙළෙන්දගේ ගෙදර මිදුලේ යෝජනාව ක්‍රියාත්මක කරන දවසත් ආවා. කපටි මුදල් ණයට දීපු නපුරු මිනිහා හිස් බෑගය රැස්ව සිටි පිරිසට විවෘත කරලා පෙන්නලා බිමට පහත් වෙලා කලු පාටම මාබල් ගල් දෙකක් වෙළෙන්දත් දුවටත් නොපෙනෙන්න හිස් බෑගයට දැම්මා. දුකින් හිටියත් දුවගේ තියුණු ඇසට මේ සිද්ධිය හසුවුනා. ඒ එක්කම ඇය එක එක දේවල් හිතුවා.

''මම එකක් වත් ගන්නේ නැතුව ඉන්නවා. ඒත් බැහැ. කමක් නෑ, මම මේ එකක් අරගෙන තාත්තා ණය වෙනුවෙන් සිරගෙට යන එක නවත්තනවා. අයියෝ ! ඒත් මට මේ මනුස්සයා එක්ක විවාහා වෙන්න බෑ. මම මොකද කරන්නේ???''

මේ ගැහැණු ළමයා මොකක් කරයිද? කපටි මිනිහගේ නිවසේ මිදුලේ රැස්වෙලා ඉන්න හැමදෙනාම හිතන්නේ ඒ ගැන.

ඇය බෑගය දෙස නොබලාම ඒ තුලට අත දාලා ටිකක් කලබලයෙන් මාබල් ගලක් එලියට අර ගන්නවත් එක්කම ඒක අර මාබල් අතුරපු බිමට වැරදීමකින් වගේ වැට්ටුවා.

''අයියෝ. මගේ තියෙන කලබලය. තෝර ගත්ත මාබල් ගල බිම වැටුනා නේද? අනේ ඉක්මනටම මල්ල තුල ඉතිරි වෙච්ච ගල මොන පාට එකක්ද බලන්න.''

ඇය ණයට දීපු පුද්ගලයටයි, පියාටයි කෑ ගහලා කිව්වා. වයසක, කුදු ගැහුනු නපුරු පෙනුමක් තිබුනු මේ මුදල් ණයට දුන් පුද්ගලයාට කට උත්තරත් නැති වුනා. ඔහු කල වංචාව හින්දම ඒ ගැන වැඩිය කතාකරන්නත් බෑ. එහෙම වුනොත් මිනිහගේ කපටිකම හැමෝම දැනගන්නවා.

''ෂා ! නියමයි... කලු පාට මාබල් ගල ඉතිරි වෙලා. ඒ කියන්නේ මම තෝරගෙන බිමට වැටුනේ සුදු මාබල් ගලයි.''

ගැහැණු ළමයා කෑ ගැහුවා. ඒ කියන්නේ ඇයට වෙළෙන්දා එක්ක විවාහා වෙන්න ඕන වෙන්නෙත් නැහැ, පියාට ණය වෙනුවෙන් සිර ගෙට යන්න වෙන්නෙත් නැහැ.
ඇය වඩා හොඳින් හිතලා, තැනට සුදුසු නුවණින් මුදල් ණයට දුන් පුද්ගලයාගේ වංචාව ඇයගේ පැත්තට, ඇයගේ වාසියට හරවා ගත්තා.

දන්නවද, හැම අමාරු ප්‍රශ්ණයකටම විසඳුමක් තියෙනවා. හැබැයි සමහර ප්‍රශ්න දිහා සාමාන්‍යය විදිහට හිතලා බලනවට වඩා රාමුවෙන් මිදිලා වෙනස්ම විදියකට හිතන්න වෙනවා. අනිවාර්යයෙන්ම විසඳුමක් ඔබට පෙනෙයි. වෙනස්ව හිතමු ! සුබ දායකව ලොවම වෙනස් කරමු ! අහලා තියෙනවානේ apple සමාගමේ ස්ටිවී ජොබ්ස්. ඔහුත් වෙනස් විදිහටම හිතපු පුද්ගලයෙක්. තවමත් apple සමාගමේ පාඨය '' Think Different ! ''

''දැනුම සොයා සැරිසරන්න'' - http://chamikawp.blogspot.com/

◄ ප්‍රශ්න ප්‍රශ්න ප්‍රශ්න ►

රටේ සුපතල සබන් කර්මාන්ත ශාලාවක සබන් ඇසුරුම් වලට සබන් ඇසුරුම් ගතකරන යන්ත්‍රයේ දෝශයක් ඇතිවිය. සෑම සබන් කැට දහසකටම එක් සබන් ඇසුරුමක් සබන් කැටයක් රහිතව පිටවීම එම දෝශය විය. මේ සඳහා කර්මාන්ත ශාලාවේ තාක්‍ෂණික ශිල්පීන් නියම කරන ලද්දේ ලේසර් ස්කෑනර් යන්ත්‍රයක් තුළින් සබන් කැටයක් රහිතව පිටවන සබන් ඇසුරුම තෝරා ගැනීමයි. ලක්‍ෂ ගණනක් වැයකොට ඔවුන් එම යන්ත්‍රය කර්මාන්ත ශාලාවට මිළදී ගැනීමට ආයතන හිමිකරුට දැනුම් දී තිබෙනු දුටු සාමාන්‍යය සේවකයෙකු ඔහුට එක් අවස්ථාවක් ලබාදෙන මෙන් ආයතන හිමිකරුගෙන් ඉල්ලන ලදී. ඔහුට ඊට අවස්ථාව ලැබුණි.

ඔහු කරන ලද්දේ ඇසුරුම් ගත සබන් පිටවන යන්ත්‍රයේ සබන් ගමන් කරන රෝලට විශාල ප්‍රමාණයේ විදුලි පංකාවක් පැත්තකින් සිටුවා තැබීම පමණයි. එවිට හිස් සබන් ඇසුරුම රෝලෙන් එළියට විසිවුණි. අප ප්‍රශ්න දෙස බලන ආකාරය අනුව එයට ඇති විසඳුම් වෙනස්වේ. සමහරවිට ඇත්තටම ප්‍රශ්න නොවන දෑ ප්‍රශ්න කරගන්නේ අප විසින්ම නොවේද...

''සත්‍යය කතාවක් ඇසුරිණි''

♥ ආදරණීය හදවතක් ♥

කැම්පස් යන කාලේ මට ලණුවයි කණුවයි වගේ ඉදපු යාළුවා තිසරු. එයත් මම නලීන් වගේම අපේ ගාළු ගැට්ටේ සාමජිකයෙක්. එච්චර ලස්සනක් නැති උනත් තිසරු හුරතල් දඟකාර කෙල්ලෙක්.

තිසරු මට ආදරේ කරනවා කියල මම දැනගෙන ඉදියත් මට එයා ගැන හොඳ යාලුවෙක්ට එහා ගිය හැගීමක් තිබුනේ නෑ.

මම කැම්පස් ක්‍රිකට් ටීම් එකේ කැප්ටන් උන නිසා වැඩිපුර මම ඉදියේ ලෙක්චර් හෝල් එකේ නෙමෙයි පිට්ටනියේ. ඒ හින්දා හැමදාම මට notes ලියලා, reading material එකතු කරල දීලා මාව exam ගොඩ දාල දුන්නේ තිසරු.

Free වෙලාවක් ආපු ගමන්ම තිසරු මාව අල්ලගෙන එදා දවසේ මට miss උන ඔක්කොම කියලා notes ටික මගේ අතට දෙනවා. එහෙම දවසක මම නිකමට තිසරුට කිව්වා "මොනවද හලෝ තමුසේ මට නෝට්ස් එකතු කර කර ඉදලාම හරි යන්නේ නෑ. අර තමුසෙගෙ පස්සෙන් එන කැප්ටන් අයියාට කැමති වෙනවකෝ, බලනවා ඌගේ තියන smart look එක" කියල. කවදාවත් නැති full serious mood එකකින් තිසරු මට කිව්වා "මම කැමති කෙනා මට කැමති නෑ වගේ හර්ෂ, ඒ හින්දා මම තීරණයක් අරගෙන ඉන්නේ" කියලා. එදා මට තිසරුගෙන් ඒ මොකක්ද අහන්න බයකුත් හිතුනා, ඒ වගේම මට ඒක දැන ගන්න උවමනාවක් නෑ කියලත් එයාට පෙන්නන්න ඕන උන. ඒ හින්දාම මම "අනේ බං ඔන්න මම නම් උඹේ මගුලට එන්නේ නෑ. ඔය ලොකු ලොකු මිනිස්සුන්ගේ මගුල් වලට අදින්න ඇදුම් ගන්න මට සල්ලිත් නෑනේ බං" කියලා කිව්වා.

මුල් කාලේ යාළුවෝ මට තිසරුගේ නම කියලා විහිළු කරත් පස්සේ මම ඉසුරි එක්ක යාළු උනාම ඒ විහිළුව එතනින් නතර වුනා. ඒත් ලණුවයි කණුවයි වගේ ඉදපු තිසරු හැමදාම මට notes ලිව්වා. මගේ research thesis එක පවා ලිව්වා, ඒත් තිසරු මගෙත් එක්ක වෙනදා වගේ රණ්ඩු වෙන්න, අපිත් එක්ක දවල්ට කන්න ආවේ නෑ. ලොකු වෙනසක් නොපෙන්නන්න හැදුවත් තිසරුගේ ලොකු වෙනසක් මම වගේම නලින්නුත් දැක්කා.

ඔහොම ඉදලා අපි කැම්පස් එකෙන් out වෙලා ගිහින් ආපු මගේ උපන්දිනේ දවසේ තිසරු මට call කරා සුභපතන්න. ඒ වෙද්දි ඉසුරිගෙයි මගේ love relationship එක breakup වෙලා තිබුනේ, තිසරු මගෙන් ''ඉක්මනට බදින්නේ නැද්ද'' ඇහුවහම මම පුරුදු විදිහටම "අනේ බං උඹලා ඉදියට වැඩක් තියනවද, අපිට හරිහමන් කෙල්ලෙක් වත් හොයලා දුන්නේ නෑ, මොකක්ද බං දැන්වත් උඹලගේ office එකෙන් මට කෙල්ලෙක් සෙට් කරලා දියන්කෝ" කිව්වා.

තිසරු ගත්ත කටටම "අනේ හර්ෂ බොරු නොකියා ඉන්න. ඔයා තාමත් ඉසුරි ගැන හිතනවා ඒකනේ තාමත් ඔයාගේ ringin tone එක වෙනස් වෙලා නැත්තේ" කිව්වා. (මමයි ඉසුරි break up උනාට පස්සේ මගේ phone එකේ ringin tone එක වුනේ දමිත්ගේ "මට හීනයක් වෙලා" සින්දුව) එදා මට තේරුනා මටත් වඩා මගේ ගැන දන්න කෙනා තිසරු නේද කියලා.

කාලයත් එක්ක මගේ හිතේ තිසරු ගැන අදහසක් ඇති උනට මොකක්දෝ අවාසනාවකට මට ඒක එයාගෙන් අහන්න පුළුවන් කමක් තිබුනේ නෑ. තිසරුට කෝල් කරන හැම සැරේම මගේ කට lock උනා.

ඔහොම ඉඳලා එක දවසක් නලීන් මට කෝල් කරලා ඇහුවා 'මචං උඹ අනිද්දට අපිත් එක්ක සෙට් වෙලා තිසරුගේ මගුල් ගෙදර යනවද නැත්නම් උඹ තනියමද එන්නේ" කියලා. එදා මගේ ඇස් උඩ ගියා තිසරු මට එයා බඳිනවා කියලා නිකමටවත් කිව්වේ නෑ. මට invite කරෙත් නෑ. "මම කැමති කෙනා මට අකමැති නිසා තීරණයක් ගත්තා" කියපු කෙල්ල මෙන්න බඳිනවලු. ඔක්කෝම ගෑණු එකයි ඔහොම හිතපු මම තිසරුට කෝල් එකක් වත් දීලා සුභපැතුවේ නෑ තිබ්බ තරහට.

ඒත් ඊයේ අර මම කලින් කියපු තිසරුගේ පස්සෙන් ඒකාලේ ආපු කැප්ටන් අයියා අපේ office එකට ඇවිත්, අහම්බෙන් වගේ මට හම්බුනා. ඔහු අද පාදයක් අහිමි ආබාධිත රණවිරුවෙක්. අයියාගේ අතේ දිළිසි දිළිසි තියෙන මුද්ද දැකපු මට තේරුනා අයියා දැන් විවාහකයි කියලා. කොච්චට උදාර කාන්තාවක් වෙන්න ඕනද ආබාධිත රණවිරුවෙක් එක්ක විවාහ වෙන්න. එහෙම හිතපු මම ඈතින් පඩිපෙළ නැගලා එන තිසරුව දැක්කා.

මගේ ලගටම ආපු තිසරු මගෙත් එක්ක හිනා වෙන ගමන් "තුසිත ඔයාට පරණ යාළුවෙක් හම්බ වෙලා තියෙන්නේ" කියලා කැප්ටන් අයියාගේ අතින් අල්ල ගන්න ගමන් ඇහුවා.

{ මේ කතාව අපිට ලියල එවපු කෙනා එයාගේ නම සඳහන් කරන්න අකමැතියි. ඒත් එයාගේ ජීවිතය සුන්ඳර එකක් වෙන්න කියල අපි එක හිතින්ම ප්‍රාර්ථනා කරමු ! }

◄ රතු ඉන්දියානුවාගේ කාළගුණ අනාවැකි ►

සරත් සෘතුවේ අවසාන කාලේ එන හින්දම ඔවුන්ගෙ නිජබිමේ පදිංචි වෙලා හිටිය රතු ඉන්දියානු ජනතාව ආවා අලුතින්ම පත් වෙච්ච තරුණ නායකයගෙන් ඉදිරියේදි එන ශීත සෘතුවේ සීතල කොහොම වේවිද කියලා ගැන දැනගන්න. මොකද අතීතයේ ඉදලා රතු ඉන්දියානුවන්ට සාමාන්‍යයෙන් කාළගුණය ගැන ඇනාවැකි කියන්න පුළුවන් කියලා විශ්වාසයක් බොහෝ දෙනෙක් තුල තියෙනවා.

''නායකතුමනි, ශීත සෘතුව ගොඩාක් සීතල වේවිද? නැත්නම් සාමාන්‍යය සීතලක් තියෙවීද?''

ඒත් අලුත් තරුණ මේ නායකතුමා ඇත්තෙන්ම කාළගුණ අනාවැකි කියන්න දන්නේ නෑ. ඔහු ටිකක් රැඩිකල් පන්නයට හැදුණු තරුණයෙක්.

කෝකටත් කියලා ''ඔව්... ශිත සෘතුව සීතල වේවි... දැන්ම ගිහිල්ලා දර ටිකක් එකතු කරන්න'' කියලා වැසියන්ට කිව්වා.

අනාවැකි ගැන දැන නොගත්තත් ඔහු වර්තමාන දියුණු සමාජය ගැන දැනුමකුත් තිබුනු හන්දා දින දෙකකින් පස්සේ නගරයට ගිහිල්ලා පොදු දුරකතනයෙන් කතා කලා නගරයේ කාලගුණ දෙපාර්තමේන්තුවට.

''මේ එන ශීත සෘතුව ගොඩාක් සීතල වේවිද?'' ඔහු ඇහුවා...

''ඔව්... ශීත සෘතුව ටිකක් සීතල වේවි.'' එයට පිළිතුර අනෙක් පසින් ලැබුනා...

තරුණ නායකතුමා ගොඩාක් සතුටු වුනා. ගමට ආව ඔහු වහාම පිරිස රැස් කරලා...

''ශීත සෘතුව ටිකක් සීතල වේවි, ටිකක් වැඩියෙන් දර එකතු කරන්න'' කියලා නියෝග කලා...

සතියක් විතර ගතවෙද්දී ඔහුට හිතුනා ආපහු කාලගුණ දෙපාර්තමේන්තුවෙන් පොඩ්ඩක් අහලා බලන්න...

''මේ එන ශීත සෘතුව ගොඩාක්ම සීතල වේවිද?'' ඔහු ඇහුවා.

''ඔව් ගොඩාක් සීතල වේවි...'' ඔහුට අනෙක් පසින් පිළිතුර ලැබුනා...

ඔහු වහාම ජනතාව රැස් කරලා වැඩි වැඩියෙන් දර එකතු කර තබාගන්න නියෝග කලා...

සතියක් ගත වුනා... කොයි එකටත් සැක හැර ගන්නත් එක්ක ඔහු ආපහු දුරකතනයෙන් කාලගුණ දෙපාර්තමේන්තුවට කතාකලා... මොකද කාළගුණේ කියන දේ හරි ඉක්මනින් වෙනස් වෙන නිසා.

''මේ එන ශීත සෘතුව ගොඩාක්ම සීතල වේවිද?'' වෙනදා වගේම ඔහු ඇහුවා.

''ඔව්... මේක කාලෙකට පස්සේ පැමිණෙන දැඩි සීතලක් සහිත ශිත සෘතුවක් වෙන්නයි යන්නේ'' පිළිතුර ලැබුනා...

''ඔබතුමා කොහොමද විශ්වාසයෙන්ම එහේම කියන්නේ?“ රතු ඉන්දියානු නායකතුමා ආපහු ඇහුවා...

''දන්නවද??? රතු ඉන්දියානුවන් පිස්සුවෙන් වගේ දර එකතු කරනවා. ඒ කියන්නේ අනිවාර්යෙන්ම දැඩි සීතලක් සහිත ශිත සෘතුවක් තමයි ලඟම එන්නේ...''

කාලගුණ දෙපාර්තමේන්තුවෙන් දුරකතනයට පිළිතුර ලැබුනා...

☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺☺

''කොටස් වෙළඳ පොළේ වෙන්නෙත් මේ දේමලු''

දැනුම සොයා සැරිසරන්න.. - http://chamikawp.blogspot.com/

◄ අතක් නැති කොල්ලට මොන ''ජූඩෝ'' ද? ►

පෝල් කියන පොඩි කොල්ලට ඕන වුනා “ජූඩෝ“ ඉගෙන ගන්න. ඉතින් වයසක ජපන් ''ජූඩෝ'' ගුරුතුමෙක් ළගට තමා පෝල් ''ජූඩෝ'' ක්‍රීඩාව ඉගෙන ගන්න ගියේ. ඒත් පොඩි ප්‍රශ්නයක් තිබුණා. දන්නවද? මේ පෝල් ගේ වම් අත නෑ. කාලෙකට ඉස්සර සිදුවුණු භයානක රිය අනතුරකින් පෝල්ට එයාගේ වම් අත අහිමි වුනා. හැබැයි පෝල් ට ඒක ප්‍රශ්නයක් වෙන්න ගුරුතුමා ඉඩ දුන්නේ නෑ.

කාලයත් එක්ක පෝල් ''ජූඩෝ'' ක්‍රීඩාව හොදට පුරුදු වේගෙන ගියා. ඒත් මාස 3ක් වෙලත් මේ වයසක ජපන් ගුරුතුමා පෝල් ට කියලා දෙන්නෙ එකම සටන් ක්‍රමය. එකම එක චලනයක් විතරමයි. පෝල්ට මේක ඇති වුනා.

සෙන්සෙයි... මොකක්ද මේ? මට වෙන සටන් ක්‍රම කියලා දෙන්නේ නැද්ද? මට දැන් මේක කරලාම ඇති වෙලා. පෝල් ටිකක් තරහින් කිව්වා.

ඒක නම් ඇත්ත. මේ ඔයා දන්න එකම විදිහ. ඒත් මේකම තමා ඔයා හැමදාටම දැන ගන්නත් ඕන එකම සටන් ප්‍රහාරක ක්‍රමය. ඉතා ශාන්තව ගුරුතුමා කිව්වා.

අනේ මන්දා... හොදයි.

ගුරුතුමාගේ වචනය විශ්වාස කරලා පෝල් ආපහු දිගටම පුහුණු වීම් කලා. කාලය ගත වෙලා යද්දී ගුරුතුමා ජුඩෝ තරඟාවලියකට පෝල් ව එක්ක ගෙන ගියා. පලවෙනි තරඟයට ඔහු ඉදිරිපත් වෙද්දී වටේ අයත් පුදුම වුනා. පළවෙනි තරඟය පහසුවෙන්ම පෝල් ජය ගත්තා. ඔහුත් ඒ ගැන පුදුම වුනා වගේම තව ටිකක් උනන්දුත් වුනා. දෙවනි තරඟයත් පහර දෙක තුනක් වැදුනත් සටන් කල පෝල්ට ජය හිමිවුනා. තුන්වෙනි එක නම් ටිකක් අමාරු පාටයි. එහෙත් ප්‍රතිවාදියාගේ ඉවසුම් නැති වීමත් තරහා යාමත් වාසිය කරගත් පෝල් තමන් දන්නා එකම සටන් ක්‍රමයෙන් ඔහුවත් පරාජයට පත්කලා. ඔහු පුදුම වුනා ඔහු ගැනම. මේ අන්තිම තරඟය. හැබැයි පොල් ගේ ප්‍රතිවාදියා හොද ශක්තිමත් උස ඒ වගේම හොද පළපුරුදු ක්‍රීඩකයෙක්. එහෙම බලන කොටනම් මේ දෙන්නා අතරේ කිසිම ගැලපීමක්වත් නෑ.

තරගය පටන් ගත්ත සැනින් ම පෝල්ට පහර පිට පහර වැදුනා. ඔහුට සිතා ගන්නවත් වුනේ නෑ මොකක්ද වුනේ කියාලා. විනිසුරුවා තරඟයේ විවේක කාලයක් සටහන් කලා. හොදටම පහර කෑ පෝල් ගුරුතුමාගෙන් තරඟය නවත්තන්නදැයි ඇහුවා.

එපා. එපා. දිගටම සටන ගෙනියන්න. ඔබටත් අවස්ථාවක් ඒවි. ජපන් ගුරුතුමා ශාන්තව කිව්වා.

නැවත තරඟය ක්‍රියාත්මක වුනා. දිගටම සටන යන අතරේ ප්‍රතිවාදියාගේම වරදින් ඔහුගේ ආරක්ෂක ආවරණය බිම වැටුනා. ඒ අවස්ථාවේදීම පෝල් ක්ෂණයකින් ඔහුව බිම දැම්මේ තමන් දන්න එකම සටන් ක්‍රමයෙන්. ඔහු තරඟය දිනුවා. තරඟාවලියම දිනුවා. ඔහුයි ජයග්‍රාහකයා. එත් පෝල්ට ඒක ලොකු ප්‍රශ්ණයක් වුනා.

ගෙදර යන අතරතුරේ...

සෙන්සෙයි, එක සටන් ක්‍රමයක් විතරක් දන්න මම ඇත්තටම තරඟාවලියක් දිනුවේ කොහොමද?

පෝල් ඒකට හේතු දෙකක් තියෙනවා. ගුරුතුමා කිව්වා.

මොකක්ද ඒ?

පලවෙනි එක, ඔයා ජුඩෝ ක්‍රීඩාවේම තියෙන අමාරුම විසිකිරීමේ සටන් ක්‍රමයක් හොදටම පුහුණුව ලැබුව කෙනෙක්.

එතකොට අනික?

අනික තමයි සටනකදි ඒ ක්‍රමයෙන් බේරෙන ක්‍රමය දන්න ඕනම කෙනෙකුට ඔයාගේ වම් අත තදින්ම අල්ල ගන්න වෙනවා. ඔයාගේ දුර්වලම තැනින් ඔයාට ජයග්‍රහණය කරන්න පුළුවන් වුනා.

ගොඩාක් වෙලාවට අපේ අඩු පාඩු හින්දා අනෙත් අයට බනිමින්, දොස් කියමින් කිරීමට හැකි යමක් හෝ තියෙද්දීත් අඩුපාඩු ගැන හිත හිතාම අපි කලකිරෙනවා. දුක් වෙනවා. අන්න ඒ හින්දම ඒ දුර්වලතාවය කවදා හරි දවසක අපේ ශක්තිමත්ම තැන කරගන්නත් අපි උත්සහ කරන්නේ නෑ. නැති දේ ගැන දුක් වෙනවට වඩා තියෙන දේ ගැන හිතමු.

''I fear not the man who has practiced 10,000 kicks once, but I fear the man who has practiced one kick 10,000 times'' - Bruce Lee

දැනුම සොයා සැරිසරන්න - http://chamikawp.blogspot.com/

◄ හදවතත් එක්ක සෙල්ලම් එපා ►

යාලුවෝ ටික උද්‍යානයේ සෙල්ලම් කරද්දී පීටර් හා ටීනා බංකුවක වාඩි වෙලා අහස දිහා බලන් හිටියා.

ටීනා : ''මට හරිම කම්මැලියි. ආදරේ කරන්න කොල්ලෙක්වත් හිටිය නම්''

පීටර් : ''ම්... ඒක ඇත්ත අපි දෙන්න විතරමයි ඉතිරි වෙලා ඉන්නේ.''

ආපහු අහස බලන කොටම ටීනා කෑ ගැහුවා.

ටීනා : ''පීටර් අපි වැඩක් කරමුද?''

පීටර් : ''මො.. මොකක්ද ඒ?'' පීටර් ඇහුවේ පුදුමයෙන්. ''කියන්න බලන්න.''

ටීනා හැඩ කරලා කතාව කියන්න ගත්තා.

ටීනා : ''මෙහෙමයි. දවස් 100කට ඔයා මගේ boy friend වෙනවා. මම ඔයාගේ girl friend වෙනවා. කැමතිද?''

පීටර් : ''ෂා... ඒකත් හොදයි. මටත් කිසිම වැඩක් නැතුවයි හිටියේ'' පීටර් එහෙම කිව්වා.

ටීනා : ''අද අපේ ආදරයේ පළවෙනි දවස. අපි මොකද කරන්නේ?''

පීටර් : ''හොඳ ෆිල්ම් එකක් තියෙනවා. අපි යමු ද ඒක බලන්න?''

ටීනා : ''නියමයි අපි යමු.''

2 වෙනි දවස
පීටර් ලස්සන කී ටැග් එකක් ටීනාට තෑගී දුන්නා.

3 වෙනි දවසේ මේ දෙන්නම ගියා යාලුවෙකුගේ උපන් දිනයට තෑග්ගක් තෝරන්න. ඒ අතරේ එක අයිස් ක්‍රීම් එකක් අරන් බෙදා ගෙනත් කෑවා.

7 වෙනි දවසේ මේ දෙන්නා ගියා පුංචි කඳු මුදුනකට ඉර බහින හැටි බලන්න. ඉර බැහැලා හඳ නැගෙන කොට ටීනා කොදුරමින් තමන්ටම යමක් කියමින් ප්‍රාර්ථනයකුත් කළා. මේ විදිහට දින ගෙවී යනකොට ගිවිසුමකට යාලු වුන මේ දෙන්නා ගොඩාක් සතුටින් තමා හිටියේ.

කොහොම කොහොම හරි 99 වෙනි දවසටත් ආවා.

එදා මේ දෙන්න නගරේ වටේම ඇවිදින්න යන්න කතා කර ගත්තා. වේලාව සවස 1.23 වෙද්දී දෙන්නම බංකුවක වාඩි වුනා. ඒ අතර...

ටීනා : ''මට තිබහයි. අපි ටිකක් ඉදලා යමු.''

පීටර් : ''හොඳයි. එහෙනම් මම බොන්න මොනවා හරි අරන් එන්නම්. මොනවටද ඔයා කැමති?''

ටීනා : ''අනේ ඇපල් ජූස්. ඒවා තමා මට ඕන.''

වේලාව සවස 1.43. විනාඩි 20ක් හිටියත් පීටර් තාම නෑ. ඒත් හදිස්සියෙන් පුද්ගලයෙක් ටීනා දිහාවට ආවා.

අමුත්තා : ''ඔයාද ටීනා කියන්නේ?''

ටීනා : ''ඔව් ඇයි? මුකුත් උදව්වක් ඕනද?''

අමුත්තා: ''නෑ. අතන පාරේදී පිරිමි ළමයෙක් වාහනයක හැප්පිලා. මම හිතන්නේ ඔයාගේ යාලුවා.''

ඇය එතනට දුවලා යද්දීත් ඇපල් ජූස් බෝතලයත් අතේ තියාගෙනම ලේ විලක් මැද පීටර් වැටිලා හිටියා. හදිසි රථයෙන් ඔහුත් එක්කම රෝහලට ගිය ඇයට පැය 5ක් එතන බලා ඉන්න වුනා. ප්‍රතිකාර කරලා ඉවර වුන දොස්තර මහත්මයා කිව්වේ පීටර් ව බේරගන්න ගොඩාක් උත්සහ කලත් ඒක කරන්න බැරි වුනා කියලා. ඊට පස්සේ ඇයට තම අත වූ ලිපියකුත් දුන්නා. ගොඩාක් දුක් වුන ටීනා ටික වෙලාවකින් අර ලියුම කියවන්න ගත්තා. ඇය තව තවත් අඩන්න ගත්තා.

ලියුමේ තිබුනේ මෙහෙමයි!

''ටීනා අද අපේ ගිවිසුමේ දින 100 අන්තිම දවස. මේ දවස් 100ට මම ඔයත් එක්ක ගොඩාක් සතුටු වුනා. වෙලාවකට ඔයා ගොඩාක් නපුරුයි. වෙලාවකට ගොඩාක් අහිංසකයි. සමහර වෙලාවට හරිම මෝඩයි. ඒ කොහොම වුනත් ඔයා තමා මම දැකපු හොඳම ගෑනු ළමයා. ඉතිං... මම එක දෙයක් අහන්නද? මේ දින 100 තව ටිකක් දික්කර ගනිමුද? හැමදාටම වගේ... මොකද මට සදහටම ඔයාගේ ආදරවන්තයා වෙලා ඉන්න ඕන. මම ඔයාට ආදරෙයි.''

ටීනා දුවලා ගියා පීටර් හිටිය ඇඳ ගාවට... ඇය කෑ ගැහුවා...

''ඔයා මට පොරොන්ඳු වුනා දවස් 100 මා එක්ක ඉන්නවා කියලා. ඒකට තව වෙලා තියෙනවා. ඔයාට බෑ මාව දාල යන්න. මමත් ප්‍රාර්ථනා කළා මට ඔයාව සඳහටම ලැබෙන්න කියලා. ඒත් මම ඒක ඔයාට කිව්වේ නෑ. පීටර් මමත් ඔයාට ආදරෙයි. ගොඩාක් ආදරෙයි. ආපහු එන්න. මා වෙනුවෙන් එන්න.''

වේලාව ගෙවිලා ගියා, දින 100ත් ගෙවිලා ගියා. ඒත් ඇය තවමත් දුක්වෙනවා. ඔබ කාටහරි හදවතින්ම ආදරේ නම් එය පවසන්න කවදාවත්ම ප්‍රමාද වෙන්න එපා. මොකද හෙට මොනවා වෙනවද, වේවිද කියන්න කවුරුවත් දන්නේ නැති නිසා. එහේම ප්‍රමාදයක් වුනොත් එය දිගු කාලයකටම පසු තැවීමක් වේවි.

යාලුවොන්ටත් කියන්න SHARE කලොත් වැදගත් වේවි නේද?

Source : දැනුම සොයා සැරිසරන්න - http://chamikawp.blogspot.com/

◄ අවවාදයයි ! ! ! ►

අංක 1 ► මෙය නම් වැඩි වශයෙන් පිරිමි පාර්ශවයට අදාල කරුණක්. ඒත් අපි එදිනෙදා ජීවිතයේදී වැඩිපුරු නොසිතා කරන නරක පුරුද්දක්. ඒ තමයි අපේ wallets නැතිනම් පසුම්බි, කලිසමේ පිටුපස සාක්කුවේ රඳවා ගෙන සිටියදීම අසුන් ගැනීම. මෙසේ අසුන් ගැනීම නිසා අපගේ කොඳු ඇටපෙළට සිදුවන හානිය නම් අති විශාලයි. ඔබ එසේ පසුම්බිය සමඟ අසුන් ගන්නා විට ඔබගේ ශරීරයේ පිටුපසට සහ කොඳු නාරටියට වේදනාවක් දැනෙනු ඇති. එය ක්‍රමයෙන් පාද දක්වා ගමන් කරන අතර ඔබගේ පිරිෆෝ(ර්)මිස් පේශියට[piriformis muscle] දිනපතා දිගු වේලාවක් මෙසේ වේදනාව දැනීමෙන් පිරිෆෝ(ර්)මිස් පේශියට යටින් ඇති සියැටික් සිනායුව[sciatic nerve] තදවීම නිසා ස්නායු ආබාධ පවා ඇතිවිය හැකියි. පසුම්බිය නිසා කොන්ඳ කඩාගන්නේ නැතුව අපි අසුන් ගන්නා විටදී පසුම්බිය සාක්කුවෙන් ඉවත් කරමු නේද?

අංක 2 ► මේක නම් තරුණ තරුණියන් දෙපාර්ශවයටම අදාලයි. බොහෝම භයානක තත්ත්වයක්. අපි නිදාගන්න ඇඳට ගියාම ජංගම දුරකතනය තියාගන්නේ අපේ මොළයට ආසන්නවයි. සමහරු නම් කොට්ටේ යට. ජංගම දුරකතනය පිළිකාකාරකයන් ශ්‍රේණිගත කිරිමේ 2 B කාණ්ඩයට ඇතුලත් කර තිබෙනවා. ජංගම දුරකතනයක් ඉතා දුර්වල ක්ෂුද්‍ර තරංග නිකුත් කරණු ලබන අතර Cedars-Sinai(Los Angeles) ස්නායු වෛද්‍ය ආයතනයේ සභාපති වෛද්‍ය කින් බ්ලැක් පවසන්නේ මයික්‍රොවේව් උදුනක මස් තම්බන්නේ යම්සේ ද ජංගම දුරකතනයක් ඔබේ මොළයද එලෙසම තම්බන බවයි. Vibrate දමා කොට්ටය යට තබා ගැනීම වඩාත් භයානක බවද ඒ මහතා පවසනවා. කවුරු කවුරුත් මල් කඩන්නේ පරිස්සමින්...

ඔබ ආදරය කරන අයව දැනුවත් කරන්නත් අමතක කරන්න එපා...

◄ වසර 2000ට පෙර සහ පසු ''අපි'' ►

•වසර 2000ට පෙර - ටීවී එකේ කාටුන් බලන්න හරි ආසයි. පොඩි කාලේ රොබින් හූඩ් යද්දී හැමදාම අම්මට මොනව හරි කියල ශේප් කරලා රොබින් හූඩ් බැලුවා.
•වසර 2000ට පසු - පබා, අමා, මුතු කිරිල්ලිලා ආවා. ගෑනු අඬන එකයි කොල්ලෝ බුට්‌ කන ඒවයි බැලුවා. ඒවා හිතට ගත්තා, අපිත් ඒ විදියට හිතන්න වුනා.

•වසර 2000ට පෙර - ගමේ කොල්ලොත් එක්ක ක්‍රිකට් ගැහුවා, එල්ලේ ගැහුවා. අම්මා පොළේ යද්දී අම්මත් එක්ක පොළේ ගියා.
•වසර 2000ට පසු - ක්‍රිකට් ගේම් හෙවුවා. කම්ප්යුටරෙන් ඕස්ට්‍රේලියා ටීම් ඒක අරගෙන අනිත් ටීම් වලට 6 ඒවා ගැහුවා. බාන් බඩි වලින් පැල වවලා අස්වැන්න ගත්තා. හිඟා කාලා සත්තු ගත්තා. ගේම් එකක් වෙනුවෙන් සත්තුන්ගේ පස්ස ක්ලික් කරලා සල්ලි හෙවුවා.

•වසර 2000ට පෙර - ගෙදර කට්ටියත් එක්ක යාලුවොත් එක්ක එකතු වෙලා ගීතයෙන් ගීතයකිවුවා. දාම් ඇද්දා. කඳු පල්ලම් වල හති වැටෙනකම් බයිසිකල් පැද්දා.
•වසර 2000ට පසු - හෙඩ් ෆෝන් ඒක හරි ear phone ඒක හරි කනේ ගහගෙන සින්දු අහන්න ගත්තා. කම්ප්යුටරෙන් චෙස් අදින්න ගත්තා. ගේම් වලින් need for speed car ගේම් ගැහුවා. වේගවත් ජීවිතයකට මානසිකත්වයක් ආවා.

•වසර 2000ට පෙර - අපි හොඳ සිංහලෙන් කතා කරා. අපේ අම්මලා අපිට හොඳට මනුස්සයෙක් එක්ක අපේ රටේ විදියට කතා කරන්න පුරුදු කරා.
•වසර 2000ට පසු - ඉන්ග්ලිෂ් වචන දාලා කතා කරන්න ඕන කියල කියනවා. සිංහලෙන් කතා කරොත් කොළඹ මිනිස්සු නෝන්ඩි කරනවා. දැන් ඉන්න පොඩි එවුන් ඉන්ටනැෂනල් ස්කුල් දාල ඒ පොඩි උන් කිසිම සිංහල වචනයක් දන්නේ නෑ, ඔන්ලි ඉන්ග්ලිෂ්.

•වසර 2000ට පෙර - මනුස්සයොත් එක්ක සුහදව මූණ බලාගෙන කතා කරා. මිනිස්සුන්ව හොඳට අඳුරගෙන හිතවත් කමක් ගොඩ නගාගෙන කතා කරා. පිට රට යාලුවට පෑනේ මිතුරන් යයි කියා ලියුම් යැවුවා.
•වසර 2000ට පසු - ෆේස්බුක්, මේල්, ට්විටර් අනං මනං ආවා. චැට් එකේ කවදාවත් නොදැකපු කොහොම මිනිස්සුද කියල නොදැන තමන්ගේ අම්මා තාත්තාද කියලවත් නොදැන ඔහේ ප්‍රොෆයිල් පික්චර් එකක් දිහා බලාගෙන අකුරු ටයිප් කරන්න පුරුදු උනා. ස්කයිප් එකෙන් මුණ බලාගෙන කතා කරන්න පුරුදු උනා.

•වසර 2000ට පෙර - ගංගාවල් වල පැනල ඇති වෙන්න පීන පීන නෑවා. පොත් කියෙවුවා. නවකතා පත්තර කියෙවුවා. ආච්චි සීයා කියන ලස්සන කතා අහගෙන හිටියා.
•වසර 2000ට පසු - බාත්රුම් එකේ ෂවර් එකෙන් නාන්න ගත්තා. නව කතා ඉන්ටනෙට් එකෙන් අරන් කියවන්න පුරුදු වුනා. ආච්චි සීයා කියන කතා වෙනුවට යු ටියුබ් එකේ අයගේ කතා අහන්න ගත්තා.

•වසර 2000ට පෙර - අම්මා තාත්තා, සහෝදර සහෝදරියෝ එක්ක ගොඩාක් වෙලා හිටියා. එහෙම කාලය ගතවෙන කොට වෙන කිසිම දේකට හිතක් තිබුනේ නෑ. හැම තත්තපරයක්ම එයාලත් එක්කම ගත උනා.
•වසර 2000ට පසු - අම්මා තාත්තා වෙනුවට ෆේස්බුක් එකේ ඉන්න යහළුවන් එක්ක කාලේ ගෙවනවා. සමහරු නයිට් ක්ලබ් වල, සමහරු බීච් පාටි වල.

ඒ ලස්සන කාලය ආයෙත් එන්නේ නෑ, අපි විසින්ම අපි ඒ දේවල් නැති කරගෙන අවසානයි. ගමේ හිටියත් කොළඹ හිටියත් ඒ දවස් සුන්ඳරයි අදට වඩා. තව ටික කාලෙකින් සිංහල කියල භාෂාවක් මේ ලංකාවේ තියෙන එකක් නෑ. පන්සලකට යන මිනිස්සු අඩු වේවි. ෆෝන් වලින් කම්ප්යුටර් වලින් කෙල්ලෝ කොල්ලෝ ජිවත් වේවි, සතුටු වේවි. කම්ප්යුටර එක්ක වර්තමානේ මිනිස්සු, අනාගතේදී ජිවත් වේවි. අපි ඉන්නේ ලංකාවේ කියල අමතක වේවි. මහන්සි වෙලා වැඩක් කර ගන්න බැරි වේවි, හැමදේම ගුගල් එකෙන් හොයා ගනීවි. පරණ හණ මිටි කතාවක් නොවන බවත් පරණ හණ මිටිය වුවත් සතුට තිබුනේ එහි බවත් හැමෝටම අමතක වෙලා. මේ උත්සාහය ඒ හණමිටි, ගොඩේ කාලය කාට කාටත් නැවතත් මතක් කරදෙන්න විතරයි. කවුරුත් තරහ ගන්න එපා, මොකද මේ දේ කියවද්දී මටත් රිදුනා. ඒත් තිත්ත වුනත් මේකම නේද යාලුවනේ ඇත්ත...

සම්පූර්ණ ස්තූතිය දිමුත් මධුශංක මල්ලීට...

◄ අන්තර්ජාලය ගැන දන්නවද? ►

ගොඩාක් දෙනා දන්නේ නෑ ඇත්තට මේ අන්තර්ජාලය කොච්චර පිරිසක් පාවිච්චි කරනවද කියලා. ඔයා දන්නෙත් නෑ නේද? ඒත් මේ විස්තරය කියවන ඔයත් ලොව පුරා අන්තර්ජාලය පාවිච්චි කරන ''බිලියන 2.1'' පුද්ගලයන්ගෙන් කෙනෙක්. ආහ්... පුදුමයි නේද? ඒත් ඒක ඇත්තයි. මේ වන විට ලොව පුරා බිලියන 2.1 ජනතාවක් අන්තර්ජාලය පාවිච්චි කරනවා. එය බිලියන 7ක් වු මුළු ජනග්‍රහනයෙන් 30%කට ආසන්නයි.

2000 වසරේදී අන්තර්ජාලය භාවිත කලාට වඩා මිලියන 360 කින් 2011 වෙනකොට එම පිරිස වැඩිවෙලා. ඉතින් අද කියන්න යන්නේ 2011 අවසාන වෙනකොට අන්තර්ජාලයේ තියෙන වෙබ් අඩිවි, සමාජ ජාලා වෙබ් අඩවි, ඊ මේල් ආදියේ පුදුම හිතෙන විස්තර ටිකක්.

•2011 වන විට දී අපේ රට ඇතුලත් වන ආසියවේ පමණක් අන්තර්ජාලය භාවිතා කරන්නන් මිලියන 922 ක් ඉන්නවා. ඒ තමා මහද්වීපයක වැඩිම අන්තර්ජාල භාවිතයක් තියෙන්නේ. එයින් වැඩිම පිරිස වගේම රටක් තුල වැඩිම පිරිසක් අන්තර්ජාලය භාවිතා කරන්නේ චීනයේයි. ඒ මිලියන 485 ක් එය මුලු චීන ජනග්‍රහණයෙන් 36% ක් වෙනවා.

•ඒ වගේම යුරෝපය තුල මිලියන 476.2 ක්, උතුරු ඇමරිකාවෙහි මිලියන 271.1 ක් ලතින් ඇමරිකාව හා කැරබියන් දුපත් හි මිලියන 215.9 ක්, මැදපෙරදිග රටවල් හි මිලියන 68.6 ක් අප්‍රිකාව තුල මිලියන් 118.6 ක් හා ඕස්ට්‍රේලියාව තුල මිලියන 21.3 ක් වෙන ප්‍රමාණයක් ඉන්නවා.

•මේ අයගෙන් 45% දෙනා වයස 25ට අඩු අය.

•මිලියන 519 ක්ම රැහැන් සබඳතාවයන් භාවිත කරන්නන්.

•2011 දෙසැම්බර් මාසය අවසාන වෙද්දී ලොව පුරා මිලියන 555 ක් වු වෙබ් අඩවි ප්‍රමාණයක් තියෙනවා. විශේෂත්වය එයින් මිලියන 300ක්ම 2011 දි ඇතුලත් වුනු ඒවා. එයින් මිලියන 95.5ක්ම .com විදිහට ලියාපදිංචි වුනු ඒවා.

•ලොව වටා ලියාපදිංචි වුන E-Mail ලිපින බිලියන 3.146 ක් වෙනවා. එයින් ජනප්‍රියම Hotmail තමා, එය ලොව වටා මිලියන 300ක් දෙනා භාවිතා කරනවා. 2011 ඔක්තෝබර් මාසය වෙන කොට ඊ-මේලය ලොවට හදුන්වලා දීලා අවුරුදු 40ක් වෙනවා.

•වෙබ් සර්වර්ස් සපයන්නන්ගෙන් ඉදිරියෙන්ම සිටින්නේ 64%ක ප්‍රමාණයක් හිමිකරගෙන සිටින Apache ආයතනයයි. ගුගල් සමාගම 9% කි.

•2011 අවසාන වෙද්දි facebook අඩවියේ මිලියන 800ට වැඩි පිරිසක් ලියාපදිංචි වෙලා ඉන්නවා. 2011 අවුරුද්දේ මැද වෙද්දී facebook වලට ලොව වටා එකතුවී තිබු ජයාරෑප ප්‍රමාණය බිලියන 100ටත් වැඩියි. මේ මිලියන 800න් මිලියන 350ක්ම බොහෝ විටම facebook හරහා එකතු වෙන්නේ ජංගම දුරකතන හරහායි.

•2011 ඔක්තෝම්බර් වෙන විට දිනකට සාමානයෙන් twitter අදහස් මිලියන 250 ප්‍රසිද්ධ වන අතර twitter වෙබ් අඩවියේ මිලියන 225ක් සාමාජිකයන් සිටිනවා. එයින් මිලියන 100ක් දෙනා 2011 වසරේදී ක්‍රියාකාරී සමාජිකයන් ලෙස සිටී. Twitter හි ජනප්‍රියම ගිණුම ඇත්තේ ''Lady Gaga''ටයි.

•2011 අවසානයේ දී ලොව වටා මිලියන 70ක WordPress බ්ලොග් අඩවි ප්‍රමාණයක් ඇත.

•2011 දි youtube වෙබ් අඩවියේ ට්‍රිලියනයකට වඩා 1,000,000,000,000(one trillion) පමණ වන විඩියෝ ප්‍රමාණයක් ලොව වටා නරඹා ඇත. එය මුලු ජනග්‍රහණයෙන් ගත් විට ලොව එක් පුරවැසියකු විඩියෝ 140ක් නැරඹීමකි. සාමාන්‍යයෙන් විනාඩියකදි පැය 48කට සමාන විඩියෝ ප්‍රමානයක් youtube වලට අප්ලෝඩ් කරන බව පැවසේ.

•2011 අවසාන වෙද්දි Flicker වෙබ් අඩවිය තුලට බිලියන 06ට ආසන්න පින්තුර ප්‍රමාණයක් upload කොට ඇත. මිලියන 51 වන ලියාපදිංචි Flicker සාමාජිකයන් සාමාන්‍යයෙන් දිනකට පින්තූර මිලියන 4.5 අප්ලෝඩ් කරන බව කියවේ.

මේ තියෙන දේවල් කියවලා ඉවර වුනාම මට නම් හිතුනේ අපි මොනවද මේ අන්තර්ජාලයත් එක්ක කරන්නේ, අනිත් අය මොනවද කරලා තියෙන්නේ කියලා. කොහොම වුනත් මේ සංඛ්‍යා ඉහල දාන්න අපෙනුත් සහය ලැබිලා තියෙනවා. ඒ ගැන ආඩම්බර වෙන ගමන් මේ තොරතුරු යාලුවෝ අතරත් ''SHARE'' කරන්න.

Source : විනෝදයට දැනුම සොයා - Www.Chamikawp.blogspot.com

◄ මිතුදම ►

ඒ පළමු ලෝක යුධ සමයයි. ජිම් සහ ඩැනියල් නම් වූ හොඳම මිතුරන් දෙදෙනාද ඒ වනවිට සිටියේ යුධ බිමේයි. දස අතින් වෙඩි හඬ ඇසෙද්දී කණ්ඩායම් අංක 44 සිටි ඩැනියල් ඒ වන විටත් සතුරු ආක්‍රමණ පෙදෙසේ සටන් වැදීමෙහි නිරතව සිටියා. ඒ අතර ලුතිනන් චාල්ස් හට ලැබුණු පණිවුඩය නම් හොඳ එකක් වුනේ නෑ. කණ්ඩායම් අංක 44 සතුරු ප්‍රදේශයේදී සමූල ඝාතනය වී ඇති බවත් වහාම පසු බසින ලෙසටත් රේඩියෝ පණිවුඩය දැනුම් දුන්නා.

ජිම් : මට සමාවෙන්න සර්, ඒත් මට දැන්ම පසු බහින්න බෑ. මම ඩැනියල්ව කොහොම හරි බේරගෙන එන්නම්. මට ඊට අවසර ලබාදෙන්න.

තම කුඩා කල පටන් හොඳම මිතුරා වූ ඩැනියල්ව සතුරන් අතට හසුවී ඇති වූවත් කෙසේ හෝ ඔහුව බේරා ගැනීම එකම අධිඨන කරගනිමින් ජින් එසේ පැවසූවත් ලුතිනන් චාල්ස් ඊට අවසර දීමට කැමති වුනේ නෑ.

ලුතිනන් චාල්ස් : පිස්සුද, මේ වෙනකොට ඩැනියල් මැරිලා ඇති. කණ්ඩායම් අංක 44 හැම දෙනාම මියගොස් ඇති බවට රේඩියෝ පණිවුඩය දැනුම් දුන්නා ඇහුනේ නැද්ද?

තම ලුතිනන් වරයාගේ අණ නොසලකා ජිම් සතුරු භූමියට ඇතුළු වුනා. මිනිත්තු 30ක් පමණ ගතවී යද්දී ජිම් තම සඟයා කර මත තබාගෙන තම කණ්ඩායම වෙත පැමිණියා. ඒ වන විටත් ඩැනියල් මියගොස් තිබෙණු දුටු ලුතිනන්වරයා තම හඬ අවදි කලා.

ලුතිනන් චාල්ස් : මම කිව්වනේ වැඩක් වෙන්නේ නෑ කියලා. බලනවා, දැන් තමුසෙටත් වෙඩි වැදිලා තුවාල වෙලා.

ජිම් : නෑ සර්, මගේ ගමනෙන් වැඩක් වුනා.

ලුතිනන් චාල්ස් : වැඩක් වුනා? මොකක්ද ඒ? තමුසෙගේ යාලුවා මැරිලා ඉවරයි.

ජිම් : ඔව් සර්, දැන් නම් ඩැනියල් මිය ගිහින් තමයි. ඒත් මම එයා ගාවට ලං වනවිට ඔහුට පණ යාන්තමට තිබුණා. ඔහු මා හට කුමක්දෝ කියන්නට යත්න දැරු බව මට වැටහුණා. මම තවත් ලංවුනු පසු ඔහු කිව්වේ එක දෙයයි... ''ජිම්, මම දැනගෙන හිටියා උඹ ඒවි කියලා''

අපේ ජීවිතයේදීත් අපි කරන දේවල් වල ප්‍රතිඵලයක් තියේවිද නැද්ද කියන එක රඳා පවතින්නේ අපි ඒ දෙස බලන ආකාරය අනුවයි. අපි අපේ සම්පූර්ණ ධෛර්යය යොදවල අපේ හදවත ''හරි'' කියන දේ නොකෙරුවොත් යම් දවසක අපි ඒ දේ නොකිරීම ගැන පසුතැවෙන්න සිදු වේවි.

◄ කළු සහ සුදු ►

හීලෑ වෘක්කයින් දෙදෙනෙකු සිටි මහල්ලෙකු සහ මුණුබුරෙකි. මහල්ලා ආහාර පිණිස සතෙකු දඩයම් කර ගැනීමට මෙම වෘක්කයින් දෙපළ යොදා ගත් අතර දිනක් මෙසේ දඩයමේ ගිය විට ඔහු තම කුඩා මුණුබුරාට ජීවිතය ගැන පාඩමක් කියා දුනි.

''ඔයා දන්නවද පුතේ, අපේ හිත ඇතුලෙත් අපේ මේ වෘක්ක යාලුවෝ දෙන්න වගේම කළු සුදු වෘක්කයෝ දෙන්නෙක් ඉන්නවා. ඒත් ඒ දෙන්න එකිනෙකා සමඟ නිතරම රණ්ඩු කරනවා. කළු පාට වෘක්කයා යක්‍ෂයෙක් වගේ. එයා හැදිලා තියෙන්නේ නපුරුකම, ක්‍රෝධය, වෛරය, ඊර්ශ්‍යාව, කම්මැලිකම, දුක, ලෝභකම කියන දේවල් වලින්. ඒත් සුදු වෘක්කයා දෙවි කෙනෙක් වගේ. එයා හැදිලා තියෙන්නේ සතුට, ආදරය, ඉවසීම, කරුණාව, විශ්වාසය, සත්‍යය, ධෛර්යය කියන දේවල් වලින්.

''ඉතිං සීයේ ඒ දෙන්න රණ්ඩු වුනාම කවුද දිනන්නේ?''

''පුතා වැඩිපුර කන්න දෙන කෙනා තමයි පුතේ දිනන්නේ...''

ඉතිං අපි වැඩිපුර කන්න දීලා ශක්තිමත් කරන්නේ අපේ හිත තුළ ජීවත්වෙන සුදු වෘක්කයාවද, නැතිනම් කළු වෘක්කයාවද කියලා අපේ යාලුවොත් තීරණය කරන්න...

◄ මිළ කල හැකිද? ►

කන්තෝරුවේ සිට රෑ බෝවී නිවසට පැමිණි පියෙකු හා ඔහුගේ පුතා අතර ඇතිවුනු කතාබහ...

පුතා : තාත්තේ මම ප්‍රශ්නයක් අහන්නද?
තාත්තා : හ්ම්ම්...
පුතා : තාත්තා පැයකට කීයක් අය කරනවද කන්තෝරුවේ වැඩ කරන්න?
තාත්තා : ඒ පැහිච්චකම් මොකටද ඔයාට, විකාර අහන් නැතුව ගිහින් පාඩම් කරන්න.
පුතා : නෑ මට කියන්නකෝ... අනේ තාත්තේ...
තාත්තා : ම්ම්ම්, රු.500ක් විතර.
පුතා : අයියෝ... (දුක්බර මුහුණින් මද වේලාවක් සිට) තාත්තේ... මට රු.300ක් දෙන්න පුළුවන්ද?
තාත්තා : මෙච්චර වෙලා බොරුවට හුරතල් වුනේ සෙල්ලම් බඩු ගන්න සල්ලි ඉල්ල ගන්න නේද? යනව කාමරේට, ගිහින් නිදාගන්නවා...

කුඩා පුතු සෙමින් සෙමින් තම කාමරය වෙත යයි... ''කපටිකමට සල්ලි ඉල්ලන්න හුරතල් වුනු තරමක්'' තාත්තා තමුන්ටම කෝපයෙන් කියා ගනී. පැයක් පමණ ගතවුනු පසු ඔහු තරමක් සංසුන්ව මෙසේ සිතයි. ''සමහරවිට ඉස්කෝලෙට මොනව හරි ගන්න ඕන වෙලාද දන් නෑ සල්ලි ඉල්ලුවේ''

තාත්තා : පුතා ඔයා නිදිද?
පුතා : නෑ තාත්තේ, එන්න...
තාත්තා : ම්ම්ම්, මම රෑ මහන්සි වෙලා ගෙදර ආවම අනිත් දවසේ ඇවිත් කරදර කරන්න එපා හොඳද. මෙන්න රු.300ක්.
පුතා : (සතුටින් ඉපිලෙමින්) මගේ හොඳ තාත්තා...

පුතා තම කොට්ට උරය තුළට අතදමා ගුලිකරන ලද මුදල් නෝට්ටු කිහිපයක් අතට ගනී.

තාත්තා : ඔයා ගාව සල්ලි තියාගෙන ඇයි මගෙන් ඉල්ලුවේ? (තරමක් තරහින්)
පුතා : මොකද මම ගාව තියෙන සල්ලි ගාන මදි තාත්තේ... ඒත් දැන් තාත්තා දුන්නු රු.300ත් එකතු වුනාම රු.500ක් තියෙනවා. මට තාත්තගෙ කන්තෝරු වෙලාවෙන් 1 පැයක් අරගන්න ඕන. මේ රු.500 අරගෙන මගේ හොඳ තාත්තා වගේ හෙට පැයක් කලින් ගෙදර ඇවිත් මාත් එක්ක ටිකක් සෙල්ලම් කරල, මාත් එක්කම රෑ කෑම ගන්නවද?

තම දෙනෙත් කඳුලින් තෙත් වී යද්දී ඔහු තම පුතුව බදාගෙන සිඹින්නට වුනා...
◄•---••---••---••---••---••---••---••---••---••---••---••---••---••---••---•►
අපි හෙට මැරිල ගියොත් අපි වැඩ කරන කාර්යාලයෙන් පහසුවෙන්ම අපි වෙනුවට කෙනෙක් රැකියාවට ගනීවී. ඒත් අපේ ජීවිතේට ලඟ අයට අපි නැති අඩුව සදහටම දැනේවී. ඉතිං අපි ජීවත් වෙලා ඉන්න කාලේ අපේ දෙමව්පියන්ට, අපේ දරුවන්ට, අපේ බිරිඳට/ස්වාමිපුරුෂයාට හෝ අපේ පෙම්වතියට/පෙම්වතාට, මිතුරන්ට, ඥාතීන්ට හැකිතාක් ආදරයෙන් ඉන්න සිතට ගනිමු.

◄ බැලූනය ►

බැලුන් විකිණීමේ යෙදුණු වෙළෙන්දෙක් සතුව රතු, කහ, කොළ සහ නිල් යන වර්ණ වලින් තිබුණු අතර ඔහු මේවා විකිණීම සිදු කරන ලද්දේ විනෝද සැණකෙලි ආශ්‍රිතව සහ ළමා උද්‍යාන වලදීය.

මොහුට එම ස්ථාන වල ළමුන් වැඩි වශයෙන් ගැවසීම නිසා හොඳ වෙළඳාමක්ද පැවතිණි. ළමුන් බැලුන් මිළදී ගැනීම අඩුවන මොහොතේදී ඔහු කරන ලද්දේ හීලියම් පිරවූ එක් බැලුනයක් අහසට මුදා හැරීමයි. එවිට එය දකින ළමුන් නැවතත් ඔහු අසළට පැමිණ බැලුන් මිළදී ගැනීම සිදු කරන අතර නැවතත් ඔහුගේ වෙළඳාම ඉහළ යයි.

ඔහු මෙසේ වෙළඳාමේ යෙදුනු එක් දිනයක ඔහුගේ කෝට් සාක්කුවෙන් කවුදෝ අදිනු දැනී ඔහු හැරී බලන විට දුටුවේ අහිංසක කුඩා ළමයෙකු ඔහු පිටු පසට වී සිටින අයුරුයි.

''ඇයි පුතා, පුතාටත් බැලුනයක් ඕනද?''

''නෑ මාමේ, මට කියන්න කලු පාට බැලුනයක් උඩ යැව්වොත් ඒකත් අනිත් පාට බැලුන් වගේම අහසට යාවිද?''

''''පුතේ, මේ බැලූන් වල පිටත පාට නිසා නෙවෙයි ඒවා උඩ යන්නේ. ඒවායේ ඇතුළත ඇති දේ නිසා''

ඉතිං යාලුවනේ මේ දේ අපේ ජීවිතේටත් බොහෝම අනුරූපයි නේද? අපේ ජීවිතේ පිටින් තියෙන දේට වඩා ඇතුළතින් ඇති දේ තමයි වටිණාකම රැඳී පවතින්නේ. අපි පිටතින් කොතරම් අපූරුවට ලස්සනට ඉන්න උත්සාහ කරත් වැඩක් නෑ, අවසානයේ අපි ඇතුළත ඇති ආකල්ප තමයි අපිව ඉහළට ඔසවා තබන්නේ.

යාලුවෝ හැම දෙනාටම හොඳ ආකල්ප වලින් පිරි සුබ දවසක් වේවා !

◄ පින්තුරයෙන් මතුවන සත්‍ය කතාවක් ►

පිලිපීනයේ වුනු සත්‍යය සිදුවීමක් නිසා පිරිමි ළමයෙක් හැමෝටම මෙසේ පවසනවා... ඒ තමයි, “යාලුවෝ සියයක් දේ කිව්වත් කරන්න... ඒත් ඔබට ආදරය කරන කෙනෙක් එපා කියන දෙයක් ආපසු කිසිවිටෙකත් නොකරන්න...“

එහේම කියන්න මේ පිරිම ළමයට මොකක්ද වුනේ???

“ජුලී“ කියලා ලස්සන නමක් තිබුන මේ ගැහැණු ළමයා ගොඩාක්ම බය වුනා කාටහරි ආදරේ කරන්න. මොකද දන්නවද මේ බය? ජුලීට අවු.13 වෙද්දී එයාගේ තාත්තා නැතිවුනා. ඒ අධික ලෙස දුම්බීම නිසා හැදුනු පිළිකාවකින්. ඊට පස්සේ තනිවුනු අම්මා විඳින දුක් වේදනා මේ ජුලී හොදට දැක්කා. ඒ හින්දම ඇය දුම්බොන පිරිමි අයට වෛර කරන්න වුනා. පිරිමි ළමයින්ට ආදරේ කරන්නත් බය වුනා.

කාලයත් එක්ක ජූලී යාලුවුනා එයාගේ පන්තියේම හිටපු පිරිමි ළමයෙක් එක්ක. එයාගේ නම “මැක්කෝයි“ මේ පිරිමි ළමයත් දිගටම දුම් බොන්න පුරුදු වුනු කෙනෙක්. එයා එයාගේ යාලුවොත් එක්ක නිතරම වගේ මේ දේ කළා. ජුලී එයාගේ මැක්කෝයි මුණගැසුනු හැම වේලාවෙම තමන්ගේ පියාට දුම් බීම නිසා වුනු දේ කිව්වා. ඒ ඔහුව මේ පුරුද්දෙන් ගලවා ගන්න. ඒත් ඇය ඔහු යාලුවොත් එක්ක යන එක නතර කරන්න උත්සාහ කලෙත් නෑ. මොකද ඒක මැක්කෝයි ගේ සතුට නිසා. මේ සබඳතාවට මාස 3ක් වෙද්දීම මැක්කෝයි හොදටම ලෙඩ වුනා. ඒ සිගරට් නිසා පෙනහලු වල ඇති වෙච්ච Emphysema කියන රෝගයකින්. ඔහුගේ ජීවිතය ගැන කිසිම බලාපොරොත්තුවක් නැතිව, අවුරුදු දෙකක් ගත වෙද්දීත් වෛද්‍යවරු ඔහුට ප්‍රතිකාර කරනවා. ඒ අවුරුදු දෙක පුරාම ජුලී ඔහු ළඟටම වෙලා එදා තිබු ආදර සෙනෙහසින්ම ඉන්නවා. ඇයගේ පාසැල් ගමන නවත්තලා, ගෙදරින් එන බැනුම් වගේම අතේ තියෙන මුදලුත් වියදම් කරමින් තමා මෙහේම ඉන්නේ. ඇයගේ තිබුන පිවිතුරු ප්‍රේමය මේ මැක්කෝයි ව ජීවත් කරවනවා. මේ විධියට කාලය ගතවෙලා අවුරුදු දෙකක් ගතවෙද්දී ඔහු සුවය ලබනවා. සුවය ලබපු මේ කොල්ලා සිගරට් බීම නවත්වලාම දානවා. ඒ වගේම ඔහු “ජුලී“ විවාහ කරගෙන සතුටින් ජීවත් වෙනවා.

මේ පින්තුරයේ ඇත්තටම ඉන්නේ ඒ දෙන්නමයි.
ඒත් එක දෙයක් මේ මැක්කෝයිට නිතරම කරදර කරනවා. ඒ මොකක්ද? ඒ ඔහුගේ හදවත. එය නිතරම ඔහුගෙන් අහනවා ඔහු “ජුලීට“ ඇහුම්කන් දුන්නේ නැත්තේ ඇයි කියලා. අන්න ඒ හින්දම අර මුලින් ම කියපු කතාව ඔහු හැමෝටම කියන්න හිතාගත්තා. ඒ තමයි “ යාලුවෝ සියයක් දේ කිව්වත් කරන්න... ඒත් ඔබට ආදරය කරන කෙනෙක් එපා කියන දෙයක් ආපහු කිසිවිටකත් නොකරන්න...“

කතාව කියෙව්වට ''සිගරට් බොන්න එපා'' කියලා නම් මම කියන්නේ නෑ, මොකද ඉතින් ඒ සිගරට් පෙට්ටියේම ඒකේ විපාක ගැන සඳහන්ව තියෙන නිසා. ඒත් කවුරු හරිම ඔබට ආදරය කරන කෙනෙක් “ඔය දුම්බීම නවත්තන්න“ කියපු දවසක මේ කතාව ආපහු මතක් කරගන්න. ඊට පස්සේ තමන්ගේ හදවතින් අහන්න ඒ දේ තවත් කරනවද නැද්ද කියලා...

මේ සත්‍යය කතාව ඔයාගේ යාලුවොන්ටත් දැනගන්න SHARE කලොත් වැදගත් වෙයි නේද?

විනෝදයට දැනුම සොයා - www.Chamikawp.blogspot.com

◄ බිය නම් කුමක්ද ? ? ? ►

•ඔබගේ බිය ඇත්තේ අඳුරට නොව, අඳුරේ ඇත්තේ කුමක්දැයි යන හැඟීමටය...

•ඔබගේ බිය ඇත්තේ උස් ස්ථාන වලට නොව, ඒවායින් වැටෙතැයි යන හැඟීමටය...

•ඔබගේ බිය ඇත්තේ මුහුදට නොව, ඔබ එහි ගිලෙතැයි යන හැඟීමටය...

•ඔබගේ බිය ඇත්තේ ඔබ වටා සිටින පිරිස ගැන නොව, ඔවුන් ඔබව ප්‍රතික්‍ෂේප කරතැයි යන හැඟීමටය...

•ඔබගේ බිය ඇත්තේ ආදරය කිරීමට නොව, ඔබගේ ආදරය පිළී නොගනීවීදැයි යන හැඟීමටය...

•ඔබගේ බිය ඇත්තේ ආදරය අත් හැරීමට නොව, ඔහු හෝ ඇය තව දුරටත් ඔබ ජීවිතයේ නොමැති යැයි යන හැඟීමටය...

•ඔබගේ බිය ඇත්තේ නැවත උත්සාහ කිරීමට නොව, නැවතත් ඔබ අසාර්ථක වේයැයි යන හැඟීමටය...

•ඔබගේ බිය ඇත්තේ විභාගයට නොව, විභාගයෙන් ඔබ අසමත් වේයැයි යන හැඟීමටය...

•ඔබගේ බිය ඇත්තේ සුබ සිහින දැකීමට නොව, ඒවා ඉටු නොවේයැයි යන හැඟීමටය...

''බිය'' ගැන තවත් අදහස් ඇත්නම් මීට එකතු කරන්න...

◄ ඔබත් 99 කණ්ඩායමේද??? ►

එක්තරා කාලෙක රජ කෙනෙක් සියලුම රජ සම්පත් වලින් ආඪයව කල් ගත කරන ලදී. සියලු සැප සම්පත් තිබුණද ඔහු තුළ සතුටක් නම් නොවීය. දිනක් උද්‍යානයෙහි සක්මන් කරමින් සිටින මොහුට ඉතා දිළිඳු උයන් පල්ලෙකු බොහෝමත් සතුටින්, ගීතයක් මුමුණමින් තම රාජකාරියෙහි නිරතවනු දැකගත හැකිවිය. මෙයින් පුදුමයට පත්වූ රජු, උයන්පල්ලා ගෙන්වා ඔහු මෙපමණ දිළිඳු බවින් යුතුවත් සතුටින් සිටීමට හේතුව විමසන ලදී.

''දේවයන්වහන්ස, මම බොහෝම දිළිඳු බව නම් ඇත්ත, ඒත් මමයි මගේ බිරිඳයි ළමයි ටික දෙනයි ඉන්නේ බොහෝම සතුටින්. එයාලා ගැන හිතද්දී මට කිසිම දුකක් දැනෙන් නෑ. දැනෙන්නේ අසීමිත සතුටක් පමණයි.''

මේ පිළිතුරෙන් සෑහීමකට පත් නොවූ රජු වහාම තම පුරෝහිත ගෙන්වා සැප සම්පත් වලින් අඩුවක් නොමැති තමා සතුටින් නොමැති වීමටත්, දිළිඳු උයන්පල්ලා නිරන්තරයෙන් සතුටින් සිටීමටත් හේතුව විචාලේය.

මේකයි රජතුමනි, ඔය උයන්පල්ලා තවම 99 කණ්ඩායමට බැඳිලා නෑ. ඔබ වහන්සේටත් 99 කණ්ඩායම ගැන දැනගන්න ඕන නම් අද රෑ ඔහු සේවය කරන උද්‍යාන කොටසේ රන් කාසි 99ක් සහිත කාසි පොදියක් තබන්න.

උදෑසන සේවයට පැමිණි උයන්පල්ලා හට රන් කාසි පොදිය හමුවිය. ඔහු එය ඉතාමත් සතුටින් රැගෙන එය සඟවාගෙන තම නිවෙසට ගෙනයන ලදී. ඉතා සතුටින් සිටි ඔහු කාසි ටික එකින් එක ගණින්නට වුවද එහි ඇත්තේ කාසි 99ක් පමණක් බව ඔහුට වැටහිණි. නැවතත් ගැන බැලුවද එය එසේම විය. මීලඟ දිනයේද රජු පෙර පරිදිම රන් කාසි 99ක් සහිත මල්ලක් උයනෙහි තබා උයන්පල්ලා දෙස සෝදිසියෙන් බලා සිටින්නට විය. මෙවරද ඔහු එය සඟවාගෙන නිවසට ගෙනයන ලදී. පෙර පරිදිම ගැන බැලූ ඔහුට එහි ඇත්තේ කාසි 99ක් පමණක් බව වැටහිණි. කිහිප වරක් ගැන බැලුවද ප්‍රතිඵලය පෙර පරිදිම විය. ඔහු අතින් සිදුවන වරදක් නිසා දෙවියන් ඔහු හට මෙලෙස කාසියක් අඩුවෙන් ලබාදෙන බව ඔහු සිතන්නට විය. නැතිනම් කිසිම අයෙකු කාසි 99ක් නොදෙන බව ඔහු ඔහුටම කියාගනිමින් මින්පසු වෙනදාටත් වඩා මහන්සි වී වැඩ කිරීමට සිතා ගති. කොතෙක් මහන්සි වී සේවයේ යෙදුනද ඔහුට දිනපතා ලැබෙන කාසි ගණන 99ක් පමණක්ම විය. තමන්ට නියමාකාරයෙන් කාසි ගණන ඉපැයීමට උදව් නොකරනවායැයි ඔහු තම බිරිඳට සහ දරුවන්ට බැණ වදින්නට විය. වෙනදා සතුටින්, ගීතයක් මුමුණමින් රාජකාරියේ යෙදුනු ඔහුගෙන් ඒ සතුට දැකගත නොහැකි විය.

පුරෝහිත රජු වෙත පැමිණ මෙසේ ඒ සිදුවීම විස්තර කරන ලදී...

''දේවයන්වහන්ස, දැන් උයන්පල්ලා නීත්‍යානුකූලව 99 කණ්ඩායමට බැඳිල ඉන්නේ. 99 කණ්ඩායම කියන්නේ සතුටින් ඉන්න ඇති තරම් දේවල් තිබුණත් නැති දෙයක් ගැන හිතල දුක්වෙන, පසුතැවෙන මිනිස්සුන් කණ්ඩායමට. මොකද ඒ අය නිතරම ක්‍රියා කරන්නේ ''අන්තිම එකත් අරගෙනම නතර කරනවා'' කියන අදහසින්. ඉතිං කවදාවත් ලද දෙයින් සෑහීමකට පත්වෙන්නේ නෑ. ආශාවන්ගේ අවසානයක් නෑ. නොදැනීම සතුට කියන දේ ජීවිතෙන් මග හැරිලා.''

ජීවිතේ සතුට කියන්නේ මුදල් කියන දේම නෙවෙයි නේද යාලුවනේ. ආශාවන් සීමිත වෙනකොට සතුට කියන දේ අපේ ජීවිත වලට බොහොම ලඟයි කියලයි මට නම් හිතෙන්නේ...

◄ Two රොඩ්නීS - ලොවෙත් නැති ප්‍රශ්න ►

•අශ්වය නින්ඳට යනවිට පාවිච්චි කරන පොරෝනය කුමක්ද?
අස්වැසුම

•පන්සල් භූමියට වැද්ද නොගන්නා පක්‍ෂියා කවුද?
සිවුරු හොරා

•තමා රැවටෙන බව දැන දැනත් පාරිභෝගිකයා මිළදී ගන්නා ආහාරය කුමක්ද?
කට්ට සම්බෝලය

•ආයතනයක යතුරු භාරව සිටින තැනැත්තා කවුද?
කැරලිකරු

•තමන්ගේ ගෝල බාලයන්ට පමණක් විශේෂ සැලකිලි දැක්වීම හඳුන්වන විශේෂ නාමය කුමක්ද? ගෝලීයකරණය

•ලංකාවේ අඩුම මුදලකින් නිපදවූ සිංහල චිත්‍රපටය කුමක්ද?
සත පනහ

•ලංකාවේ වැඩිම මුදලකින් නිපදවූ සිංහල චිත්‍රපටය කුමක්ද?
හතර මහ නිධානය

•ලංකාවේ දේශපාලනය සමබන්ධ කර ගනිමින් නිපදවූ චිත්‍රපටය කුමක්ද?
කඩවුනු පොරොන්දුව

•රෝහලකදී පලදෙන කර්මය කුමක්ද?
ශල්‍යකර්මය

•බැංකුවල සේවයේ නියුතු පුද්ගලයින් කෑමට කැමතිම ආහාරය කුමක්ද?
මනිපිට්ටු

•ලියුම් කවර ඇලවීම සඳහා තැපැල් දෙපාර්තමේන්තුවේ සේවයට බඳවාගෙන ඇති සේවකයා කවුද?
ගම් භාර නිළධාරියා

•ශාක කොටස් පමණක් ආහාරයට ගන්නා සර්පයා කවුද?
පළා පොළඟා

•මැණික් ගැරීමට අධිපති යක්‍ෂයා කවුද?
ගරා යකා

•ලෝකයේ පැරණිතම සත්ත්වය කවුද?
සීබ්‍රා (Black & White)

•ආදරවන්තයින් සඳහාම වෙන්වූ බස් වර්ගය කුමක්ද?
පෙම්බස්

•ඉතා කුඩා බර ප්‍රමාණ මැනීම සඳහා ශ්‍රී ලංකාවේ භාවිතා කරන ශාකමය මිණුම් දණ්ඩ කුමක්ද?
අබ මල් රේණුව

•රබර් වත්තකදී දැනෙන පාලුව හඳුනවන්නේ?
ඔට්ට පාලු

•ක්‍රිකට ක්‍රීඩකයින් වැඩි වශයෙන් නැරඹූ ටෙලි නාට්‍යය කුමකද?
කඩුල්ල

•අවි ආයුධ එක් තැනකින් තවත් තැනකට රැගෙන යන පුද්ගලයා හඳුන්වනුයේ කුමන නමකින්ද? අවිවාහකයා

•මුහුදේ ජීවත්වන වේගවත්ම ජීවියා කවරෙක්ද?
මුහුදු අශ්වයා

•මාළුවන්ට හැදෙන තුවාල විශේෂය කුමක්ද?
මින්දද

•ලෝකයේ සර්ප ගහණය වැඩිම රට කුමක්ද?
නයිජීරියාව

•මැර බලය උපයෝගී කරගෙන ජයග්‍රහණය කල හැකි ක්‍රීඩාව කුමක්ද?
මැරතන්

•තොර තෝංචියක් නැතිව කාන්තාවන් අතරේ සිදුවන කතාබහ හඳුනවන නම කුමක්ද?
ලියකියවිලි

•නිතරම කිරිල්ලියන්ට ඉඟි බිඟි පාන කුරුල්ලා කවුද?
පැණි කුරුල්ලා

◄ ණය ගෙවීම ►

දිනක් තරුණ පුතෙකු තම මවට මෙසේ පැවසීය...

''අම්මේ, අම්මා මම වෙනුවෙන් කරපු හැමදේටම ණය ගෙවන්න මට ඕන. මට මොකද්ද ඒ වෙනුවෙන් කරන්න පුළුවන්?''

''මගේ පුතාට කවදාවත් ඒ දේ කරන්න බෑ පුතේ, අනික මම කවදාවත් පුතාගෙන එහෙම දෙයක් බලාපොරොත්තු වෙන්නෙත් නෑ.''

''එහෙම කියල බෑ, මම කැමතියි අම්මා මම වෙනුවෙන් කරපු හැමදේටම ණය ගෙවන්න.''

දිගින් දිගටම තම පුතුගේ පෙරැත්ත නිසාම ඇය මෙසේ පැවසුවා...

''හොඳයි, එහෙනම් පුංචි කාලේ වගේ අද රෑ මම ලඟම නිදා ගන්න ඕන''

එය එතරම් දෙයක් නොවන බව හැඟුණු පුතුද එයට කැමති වුනා...

''හොඳයි අම්මේ, ඒක අම්මට සතුටක් වෙනව නම් මම කැමතියි අම්මට තියෙන ණය පියවන්න ඒ දේ කරන්න''

එදින රාත්‍රියේ පුතු අසලින් නිදාගත් ඇය, පුතු නින්ඳට වැටුණු පසු වතුර ජෝග්ගුවක් ගෙන විත් ඒ වතුර ඔහු නිදන ඇඳ ඇතිරිල්ල පුරාවට විසුරුවා හැරියා. නින්ඳෙන්ම දැණුනු සීතලත් සමඟම ඔහු ඒ තෙත ප්‍රදේශයෙන් මදක් ඈත් වී නැවත නින්ඳට වැටුණා. ඇය නැවතත් වතුර ජෝග්ගුවක් ගෙනවිත් ඔහු ඒ වනවිට සිටි ඇඳ ඇතිරිලි කොටසට විසුරුවා හැරියා. මෙවර ඇහැරුණු ඔහු එක්වරම දුටුවේ තම මව වතුර ජෝග්ගුවක් ද ඇතැතිව ඔහු අසල සිටින අයුරුයි.

''මොකද්ද අම්මේ මේ කරන්නේ? පිස්සු හැදිලද? ඇයි මට නිදාගන්න දෙන්නේ නැත්තේ? මම කොහොමද මේ තෙත ඇඳේ දැන් නිදාගන්නේ?''

සිහින් සිනහවක් මුවඟට නගා ගත් අම්මා මෙසේ පැවසුවා...

''පුතේ, පුතා පුංචි කාලේ මම ගාව නිදා ගනිද්දී පුතා ඇඳේ තෙමා ගන්නවා, ඊට පස්සේ මම පුතාගේ තෙත ඇඳුම් මාරු කරල, පුතාව ඇඳේ තෙත නැති පැත්තෙන් තියලා, මම පුතා තෙමපු පැත්තෙන් නිදා ගන්නවා. පුතාට මේ අම්මා කරපු දේට ණය ගෙවන්න ඕන නම්, පුතාට එක රාත්‍රියක් මේ තෙත මෙට්ටෙම නිදා ගන්න වෙනවා. එහෙම නිදා ගත්තොත් මම පිළිගන්නවා පුතා මම වෙනුවෙන් හැම ණයක්ම ගෙවා දැම්මා කියලා''

පුතුගේ දෙනෙත් කඳුලින් බරවී යද්දී ඇය තම පුතුව තම උණුසුමට ලං කරගත්තේ අසීමිත වූ සෙනෙහසිනි...

≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈≈
ලේ කිරි කර පොවා මා සෙනෙහෙන් වැඩූ මගේ අම්මා...
දරා දස මාසේ ඉහිලූ බරට ණය ගැතියි ජීවිතෙන් මා...

◄ බිරින්ඳෑවරුන් හතරදෙනා ►

එක්තරා කාලයක වෙළෙන්දෙක් හිටියා. සල්ලි ගොඩාක් තිබුන මේ වෙළෙන්දට හිටියා නෝනලා 04 දෙනෙක්. ඔහු මේ හිටිය නෝනලගෙන් හතරවෙනි නෝනට ගොඩාක් ආදරය කලා, ආභරණ වලින් සැරසුවා වගේම ලස්සන ඇදුම් වලිනුත් සැරසුවා. ඇයව හොදින්ම රැක බලා ගත්තා.

තුන්වෙනි නෝනාටත් මේ වෙළෙන්දා ගොඩාක් ආදරෙයි. වෙළෙන්දා නිතරම එයාව තියාගත්තේ එයාගේ යාලුවන්ට පෙන්වන්න. ඒ නෝනා ගැන එයා ගොඩාක් ආඩම්බරත් වුනා. පොඩි බයකුත් තිබුනා කවුරු හරි ඒ නෝනා අරගෙන යාවි කියලත්.

දෙවනි නෝනාටත් මේ වෙළෙන්දා ආදරෙයි.. ඒ නෝනා ගොඩාක් මැදිහත් ඒ වගේම හරි ඉවසිලිවන්තයි. මේ පෝසත් වෙළෙන්දට ප්‍රශ්ණයක් වුන හැම වේලාවේම ඒ ගැන යමක් අහන්නෙත් මේ දෙවන නෝනගෙන් තමා. ඇය හැම අමාරු වෙලාවේම මේ වෙළෙන්දත් එක්කමයි.

දන්නවද? මේ වෙළෙන්දාගේ පළමු වැනි නෝනා බොහෝම ගෞරවයෙන් යුතු කෙනෙක්. වෙළෙන්දාගේ වත්කම්, ව්‍යාපාර වගේම ගෙවල් දොරවල් පිළවෙල ගැනත් හොයා බැලුවේ මේ පළමු වැනි නෝනා. එයා වෙළෙන්දත් එක්ක නිතරම එකට ඉන්න හැදුවට වෙළෙන්දා මේ පළමු නෝනාට ආදරේ කලෙත් නෑ ඇය ගැන සොයා බැලුවෙත් නෑ. ඒත් ඇය ඔහුට හිත ගැඹුරෙන්ම ආදරය කළා.

ඉතින් කාලය මෙහෙම ගෙවීගෙන ගෙවීගෙන යද්දි දවසක් මේ වෙළෙන්දා හොදට ම ලෙඩ වුනා. ඔහු දැන ගත්තා ඔහු ඉක්මනින් මැරෙන්න යනවා කියලත්. අන්න ඒ හින්දම වෙළෙන්දා කල්පනා කලා “මම මෙච්චර සැප සම්පත් එක්ක වගේම නෝනලා හතර දෙනෙකුත් එක්කම ගොඩාක් සතුටින් තමා හිටියේ, හැබැයි මැරුනොත් නම් මම තනිවේවි.“ මෙහෙම හිතුන වෙළෙන්දා බැලුවා නෝනලවත් තමන් එක්ක එක්කන් යන්න.

වෙළෙන්දා මුලින්ම හතරවෙනි නෝනාට කතා කලා. කතා කරලා කිව්වා “ මම ඔයාට ගොඩාක් ආදරේ කලා, හොඳ ආභරණ, රෙදි ඔයාට දුන්නා. ඉතින් දැන් මම මැරෙන්න යන්නේ ඔයා එනවද මාත් එක්ක යන්න? “ මේ හතරවෙනි නෝනා ගත් කටටම වෙළෙන්දාට “ බැහැ“ කියලා කිව්වා.
ඒ කතාවට වෙළෙන්දාගේ හදවතට පිහියෙන් ඇන්නා වගේ වුනා.

වෙළෙන්දා තුන්වෙනි නෝනාගෙනුත් ඇහුවා අර ප්‍රශ්ණෙම. ඇය කියනවා “මේ ජිවිතේ කොච්චර හොඳද. ඔයා මැරුණම මම වෙන කෙනෙක්ව කසාද බඳිනවා. ඒ නිසා ඔයත් එක්ක එන්න බෑ“ කියලා. වෙළෙන්දට තවත් දුකයි, ඔහුගේ හදවත සීතල වෙනවා.

කොහොමටත් කියලා ඔහු කතා කරනවා දෙවන බිරිඳට, ඇයගෙන් වෙළෙන්දා ඇහුවා ඔයා ඕනම ප්‍රශ්ණෙකදී මාත් එක්කම හිටියා, දැන් මම මැරෙන්න යන්නේ. ඔයා එනවද මාත් එක්ක? දෙවන බිරිද ටිකක් කල්පනා කරලා මෙහෙම කියනවා. “මට සමාවෙන්න. මේ පාර නම් මට ඒක කරන්න බැරි වෙනවා. හැබැයි ඔයත් එක්ක ඔයාගේ සොහොන ගාවට නම් එනවා“ කියලා. ඒ උත්තරයත් වෙළෙන්දාට දැනුනේ හරියට අකුණක් කෙටුවා වගේ.

එක පාරටම අසරණ වෙළෙන්දාට ඇහෙනවා “ මම එනවා ඔයත් එක්ක, ඔයා කොහේ ගියත් මම ඔයත් එක්ක එනවා“ වෙළෙන්දා බැලුවා වටපිට ඒ ඔහුගේ පළවෙනි නෝනා, එයා හරියට දුර්වල වෙලා. වෙළෙන්දාට දුක හිතෙනවා. ඔහු කියනවා, “ අයියෝ... මට පුළුවන්කම තිබුණ කාලේදී ඔයාව හොදින් බලාගන්න තිබුණා...“ කියලා.

දන්නවද??? මේ වගේ නෝනාලා හතර දෙනෙක් අපේ ජිවිත වලත් ඉන්නවා. කවුද ඒ???

හතරවෙනි නෝනා තමා අපේ ශරීරය. කොච්චර වේලාව අරන් හැඩ වැඩ දාලා ලස්සන කලත් අපි මැරෙන වේලාවට එයා අපිව දාලා යනවා. ම්... තුන්වෙනි නෝනා, ඒ තමා අපේ තත්ත්වය, වත්කම. අයියෝ. අපි මැරුනම ඒ ඔක්කෝම අනුන්ගේ. දෙවනි නෝනා, ඒ තමා අපේ දෙමව්පියන් හා යාලුවෝ ටික. ඕනම දේකට ජිවත් වෙද්දි අපි ළඟ ඉන්නවා. හැබැයි අපි මැරුණම අපේ සොහොනගාව හිටගෙන ඉන්නවා විතරයි. පළවෙනි නෝනා තමා අපි කවදාවත්ම මුදලින්, වටිණ රෙදි වලින්, සතුටෙන් සරසවන්නෙ නැති අපේ ආත්මය. අද ඉඳන් අපි අපේ ආත්මයට ගරු කරමු. ආත්මයම නිවී සුවපත් වෙන ජීවිතයක් ගත කරමු.